រឿងរ៉ាវអំពី រូបភាពប្រជាជនមួយហ្វូង វាយសម្លាប់ចោរ៣នាក់
ព័ត៌មាននេះបានកើតឡើងតាំងពីឆ្នាំ ២០១០ មកម្លេះ តែដោយសារឃើញមិត្តភក្តិមួយចំនួនបាននាំគ្នា ចែកចាយរូបភាព ហើយមនុស្សភាគច្រើនមិនបានដឹងសាច់រឿងនោះទេ ដូចនេះខ្ញុំសូមយកមកចុះផ្សាយឡើងវិញដូចតទៅ៖
គ្រប់គ្នាពិតជារន្ធត់ណាស់កាលបើឃើញទិដ្ឋភាពនៃការព្រួតវាយដំដោយដំបង ព្រនង់ លើក្រុមជនសង្ស័យជា ចោរប្លន់ ដែលគួរឱ្យស្អប់ខ្ពើមនេះ ។ តាមពិតទៅការកាត់ទោសដោយវាយសម្លាប់នៅតាមដងផ្លូវ ឬនៅតាមទីសាធារណៈណាមួយហាក់ដូចជាបានកាត់បន្ថយច្រើនមកហើយក្នុងរយៈពេលចុងក្រោយនេះ បន្ទាប់ពីមានការចាប់ខ្លួនបានជនសង្ស័យជាចោរប្លន់ ។ទិដ្ឋភាពនៃការវាយសម្លាប់ជនសង្ស័យជាចោរប្លន់៣នាក់ ដែលបានកើតឡើងកាលពីវេលាល្ងាចថ្ងៃទី២៥ មីនា ឆ្នាំ ២០១០ នៅជាយរាជធានីភ្នំពេញអាចចាត់ទុកថា ជាលើកទី១ហើយដែលក្រោយពីការវាយសម្លាប់នេះបានស្ងប់ស្ងាត់ច្រើនឆ្នាំកន្លងមក ។
ប្រជាជន សម្លាប់ ចោរ
ចោរប្លន់៣នាក់ត្រូវប្រជាពលរដ្ឋកាត់ទោសប្រហារជីវិតបន្ទាប់ពីធ្វើសកម្មភាពភ្ជង់ប្លន់យកម៉ូតូស្ដ្រីពីរនាក់បងប្អូនដែលព័ត៌មានជំហានដំបូងត្រូវបានរាយការណ៍មកថា ក្រុមចោរទាំង៣នាក់នោះត្រូវបានប្រជាពលរដ្ឋវាយស្លាប់ទាំងអស់គ្នានោះ ។ ប៉ុន្ដែរយៈពេលប៉ុន្មានម៉ោងក្រោយមកទើបមានការភ្ញាក់ផ្អើលជាថ្មីទៀត ព្រោះពេលនាំយកសពទាំង៣ទៅដល់ទីប៉ាឆា ក្នុងវត្ដក្រាំងធ្នង់ ដើម្បីបូជាបែរជាជនសង្ស័យម្នាក់ក្នុងចំណោមបក្សពួក៣នាក់នោះនៅមានជីវិតថ្លៃជាងគេ គឺនៅមានដង្ហើមហើយត្រូវបានលោកតាព្លុករាយការណ៍ប្រាប់ប៉ូលិសខណ្ឌដង្កោឱ្យនាំយកទៅកាន់មន្ទីរពេទ្យដើម្បីសង្គ្រោះហើយរហូតមកដល់ពេលនេះមិនត្រឹមតែមិនស្លាប់ ប៉ុណ្ណោះទេថែមទាំងដើររួច និងនិយាយបានទៀតផង ។
កន្លងមកពួកគេធ្លាប់ធ្វើសកម្មភាពប្លន់ចំនួន៥លើក ដោយប្រើប្រាស់កាំភ្លើងខ្លីម៉ាក K៥៤ មួយដើម និងជិះម៉ូតូម៉ាកវ័នដឺឡាវពណ៌ក្រហម១គ្រឿងក្នុងពេលចេញធ្វើសកម្មភាពម្ដងៗ ។ ជននេះបានរៀបរាប់បន្ដទៀតថា លើកទី១-ធ្វើ សកម្មភាពប្លន់នៅលើភ្នំបាសិតលើកទី២-ធ្វើ នៅថ្ងៃទី២១ មីនា ចំថ្ងៃអាទិត្យនៅលើភ្នំបាសិតដដែលក្នុងភូមិសាស្ដ្រឃុំម្កាក់ ស្រុកអង្គស្នួល ប្លន់បានម៉ូតូស៊ុយហ្ស៊ុយគីស្មាស់ពណ៌ខ្មៅ១គ្រឿង និងដាក់ខ្នោះដៃម្ចាស់ទៀតផង ។ បន្ទាប់មកលើកទី៣-ធ្វើសកម្មភាពប្លន់នៅសង្កាត់ផ្សារដើមគ ខណ្ឌទួលគោក ព្រំប្រទល់សង្កាត់ទួលស្វាយព្រៃទី១ ខណ្ឌចំការមន លើកទី៤-នៅសួនច្បាររង្វង់មូលចេនឡា សង្កាត់ផ្សារដើមគ ខណ្ឌទួលគោក និងលើកទី ៥-នៅចំណុចកើតហេតុ ភូមិស្រែអំបិល ឃុំស្នោរ ស្រុកអង្គស្នួល ខេត្ដកណ្ដាល ហើយក៏ត្រូវអស់លក្ខណ៍បែបនេះ ។
ប្រភពដដែលបានបន្ដថា បន្ទាប់ពីជនសង្ស័យយកម៉ូតូបានហើយ បានជិះគេចខ្លួនតាមផ្លូវដែកប៉ុន្ដែដោយសារស្ដ្រីរងគ្រោះផ្ដល់ព័ត៌មានដល់ប៉ូលិសទាន់ហេតុការណ៍ទើបក្រុមប៉ូលិសចេញស្ទាក់ទាន់ពេលវេលា ហើយក្រុមចោរបានផ្ដួលម៉ូតូចោលរត់ចូលព្រៃ ព្រមទាំងបាញ់តដៃប៉ូលិសប៉េអឹម និងប្រជាពលរដ្ឋដែលទៅធ្វើការឡោមព័ទ្ធជាច្រើនគ្រាប់ ។ ប៉ុន្ដែ ទីបំផុតត្រូវចាប់ខ្លួនបានហើយប្រជាពលរដ្ឋជាង៤០០នាក់ បានដណ្ដើមជនទាំង៣នាក់ពីសមត្ថកិច្ចយកទៅវាយដំកាត់ទោសប្រហារជីវិតតាមកំហឹង ។
ប្រភពដដែលបានបន្ដទៀតថា ខណៈនោះទាំងសមត្ថកិច្ច និងប្រជាពលរដ្ឋបានសង្កេតឃើញថា ជនទាំង៣នាក់នោះបានស្លាប់បាត់បង់ជីវិតព្រោះដេកស្ដូកស្ដឹងហើយប៉ូលិសបានដឹកសពតាមរថយន្ដទៅតម្កល់ទុកនៅឈាបនដ្ឋានវត្ដក្រាំងធ្នង់ប្រគល់ឱ្យតាព្លុកចាត់ការ ។ លុះប៉ុន្មានម៉ោង ក្រោយមកទើបមានការភ្ញាក់ផ្អើល ដោយលោកតាព្លុកបានរាយការណ៍ប្រាប់ឱ្យប៉ូលិសទៅមើលដោយនិយាយថា គាត់អត់ចេះដុតមនុស្សរស់ទេដុតបានតែខ្មោចប៉ុណ្ណោះ ។ ប្រភពដដែលបានបន្ដទៀតថា ភ្លាមៗនោះប៉ូលិសខណ្ឌដង្កោបានទៅពិនិត្យមើលឃើញជនសង្ស័យម្នាក់នៅមានដង្ហើមក៏បានដឹកតាមរថយន្ដទៅកាន់មន្ទីរពហុព្យាបាលសូភត្ដ្រាទាំងយប់ដើម្បីសង្គ្រោះ ។
ក្រោយពេលពេទ្យ ជួយសង្គ្រោះមកជននេះបានដឹងខ្លួនហើយមិនត្រឹមតែមិនស្លាប់នោះទេ អាចដើរបានតិចៗ និងនិយាយក៏បានដែរ ដែលចាត់ទុកថា សំណាងមួយក្នុងមួយពាន់គ្រោះថ្នាក់ ។ ពេលនេះប៉ូលិសបាននាំយកទៅឃុំខ្លួននៅផ្នែក ព្រហ្មទណ្ឌ ដើម្បីកសាងសំណុំរឿងបញ្ជូនទៅតុលាការផ្ដន្ទាទោសតាមច្បាប់ ។
កោះសន្តិភាព
តាមរយៈ Facebook
បំពេញឈ្មោះ
Cannot do like this , they are not different from those thieves;
ហេតុអី ខ្មែរយើងសាហាវម្លេះ? ទោះបីជាពួកគេជាចោរតែពួកគេក៏ជាមនុស្ស, កាត់ទោសដោយប្រើអំពើហិង្សា មិនមែនជាដំណោះស្រាយឡើយ។ ប៉ូលីសក៏គួរកាត់ទោសប្រជាជនដែលសំចោរដែរ។ ស្រុកខ្មែរគ្មានទោសប្រហារជីវិតឡើយ។
បីនាក់ខាងលើ មិនដឹងសល់មួយណាទេ អាយុថ្លៃដល់ហើយ។
អានៅកណ្ដាល នៅរស់នៅសព្វថ្ងៃនេះ ហើយកំពុងជាប់ ព្រៃ ស ទៀតផង
ខ្ញុំគិតថា ការវាយចោរទំាងបីនាក់នេះរហូតដល់ស្លាប់នោះពិតជាពុំត្រឹមត្រូវទេ ព្រោះបានបំពានសិទ្ធិមនុស្សហើយ តើបញ្ហានេះគួរត្រូវដោះស្រាយយ៉ាងណា?
រាល់បញ្ហាទាំងឡាយត្រូវដោះស្រាយសោយសន្តិវិធី់ ពីព្រោះអំពើហិង្សាត្រូវបានលុបបំបាត់ចោល ហើយមួយ វិញទៀត ទោះបីជាធ្វើទារុណកម្មក៏មិនដល់ថ្នាក់នេះដែរ។ សូមប្រជាទាំងអស់គិតពិចារណា បើជារូបអ្នកវិញ អ្នកគិតយ៉ាងណា។