សាច់ត្រីក៏អាចបង្កជាជំងឺមហារីកថ្លើមដែរ
តើអ្នកចូលចិត្តបរិភោគសាច់ត្រីរឺទេ? តើអ្នកបានចម្អិនវាបានឆ្អិនល្អរឺទេ? តើអ្នកបានដឹងពីផលល្អនិងផលអាក្រក់អ្វីខ្លះពីសាច់ត្រី? តើអ្នកដឹងទេ? សាច់ត្រីដែលអ្នកកំពុងបរិភោគសព្វថ្ងៃអាចនឹងបង្កជាជំងឺមហារីកដល់ថ្លើមរបស់តាមរយៈការបរិភោគសាច់ត្រីដែលមិនបានចម្អិនអោយបានឆ្អិនល្អរឺក៏បរិភោគ សាច់ត្រីឆៅ។ តាមរយៈសារពត៌មានមួយចំនួនដែលបានចុះផ្សាយថាមានប្រភេទត្រីទឹកសាបក្នុងស្រុកខ្មែរយើងចំនួន៧ប្រភេទដែលនឹងបង្កគ្រោះថ្នាក់ដល់សុខភាពរបស់យើងប្រសិនបើយើងចំអិនមិនបានឆ្អិនល្អ។
បើ ញាំ ត្រី សូម ចម្អិត អោយ ឆ្អិន
យោងតាមការចុះផ្សាយរបស់ទស្សនាវដ្តីខ្មែរអប្សរាដែលចេញផ្សាយកាលពីថ្ងៃទី០៤-១៤ ខែមិនា ឆ្នាំ២០១២ ឆ្នាំទី១០ លេខ១៦០ ទំព័រទី២៨ ស្តីពីសង្គម និងជិវិត ដែលដាក់ចំនងជើងថា ស្តាប់វេជ្ជបណ្ឌិតពន្យល់អំពីជំងឺមហារីកថ្លើមបង្កឡើងដោយសាច់ត្រីឆៅ។ ការចុះផ្សាយនេះ បានលើកយកនូវ ប្រសាសន៍របស់ លោកវេជ្ជបណ្ឌិត ច ម៉េងជួរ ដែលជាប្រធានមជ្ឈមណ្ឌល ជាតិប្រយុទ្ធ នឹង ជំងឺគ្រុនចាញ់ បារ៉ាស៊ីតសាស្ត្រ និង បាណក នៃក្រសួងសុខាភិបាលកម្ពុជា បានធ្វើការពន្យល់ពីមូលហេតុអំពីសាច់ត្រី ដែលមានផ្ទុកទៅដោយពងព្រូន និង អាចបង្កជាជំងឺមហារីកថ្លើម សូមតាមដានប្រសាសន៍របស់លោកដូចតទៅនេះ៖
ព្រូនថ្លើមគឺជាប្រភេទសត្វល្អិតម្យ៉ាងដេលរស់នៅពឹងផ្អែកលើមនុស្សរឺសត្វដទៃមួយចំនួនដូចគ្នានឹងព្រូនប្រភេទដទៃទៀតដែល។ តាមការដកស្រង់សំដីរបស់លោកបានមានប្រសាសន៍ថា ព្រូនថ្លើមនេះជាប្រភេទព្រូនសំប៉ែតម្យ៉ាងដែលចូលទៅរស់នៅក្នុងថ្លើមរបស់មនុស្ស បន្ទាប់ពីបានចូលទៅក្នុងខ្លួន។ ហើយនៅពេលដែលវាញ៉ាស់ទៅវាមានប្រវែងប្រហែល១២មិល្លីម៉ែត្រ វាអាចរស់នៅក្នុងថ្លើម១០ទៅ២០ឆ្នាំ នៅក្នុងទឹកប្រមាត់ ហើយពងមួយញ៉ាស់បានព្រូនតែមួយ មិនកើតបានព្រូនច្រើនទេ ព្រោះពងវាទាល់តែធ្លាក់ចូលទឹក ហើយចូលទៅរស់នៅក្នុងខ្យងទៀតទើបក្លាយទៅចាសត្វល្អិត។ ហើយគាត់បានលើកឡើងទៀតថា ពួកអ្នកវិទ្យាសាស្ត្របានហៅព្រូនសំប៉ែត ដែលនៅក្នុងថ្លើមនេះជាភាសាអង់គ្លេសថា (Liver Fluke)។
ប្រភពនិងការលូតសាល់របស់ព្រូននេះគឹវិលចុះឡើងជាដំណាក់កាល រវាងមនុស្ស សត្វខ្យង និងត្រី តាមរយៈការដកស្រង់សំដីលោកវេជ្ជបណ្ឌិតបានបន្តថា ព្រូនថ្លើមនេះណាវារស់កាលណាវារស់នៅក្នុងថ្លើមហើយនោះគេហៅថាសត្វខ្ទើយ វាអត់មានញីរឺឈ្មោលទេហើយវាចុះតាមលាមក នៅពេលដែលវាធ្លាក់ចូលទៅក្នុងទឹក វានឹងញ៉ាស់ ហើយវាហែលទៅនៅក្នុងខ្យង នៅក្នុងខ្យងវាបំលែងខ្លួនទៅប៉ុន្មានមុខ ហើយដល់ដំណាក់កាលមួយវា នឹងក្លាយជាសត្វតូចហែលក្នុងទឹក ហើយវាឆ្លងស្បែកត្រីទៅនៅក្នុងសាច់ត្រី ពេលនៅក្នុងសាច់ត្រី វាក្រាំងមិនធ្វើចលនាអ្វីទាងអស់ ហើយការឆ្លងមកកាន់មនុស្សយើងគឺតាមរយៈ ការទទួលទានសាច់ត្រីឆៅរឺចំអិនមិនបានឆ្អិនល្អ ដែលត្រីដែលយើងបរិភោគនោះមានពងព្រូននៅក្នុងសាច់រឺស្បែក។ ហេតុដូចនេះហើយ យើងគួរតែប្រុងប្រយ័ត្នក្នុងការចម្អិនសាច់ត្រីសំរាប់បរិភោគ ជៀសវាង មានបញ្ហាដល់សុខភាព៕
អត្ថបទដោយ មិញ រីការ
តើត្រី៧ប្រភេទនោះមានត្រីអ្វីខ្លះ????