ប្រវត្តិនៃការដាក់ឈ្មោះសត្វកុងហ្ការូ
បើនិយាយអំពីសត្វ កុងហ្ការូ ដែលពាក្យភាសាអង់គ្លេសហៅថា Kangaroo លោកអ្នកពិតជាធ្លាប់ឮជាក់ជាមិនខាន។ សត្វប្រភេទនេះជាសត្វដែលមានជើងបួន ប៉ុន្តែវាប្រើតែជើង២ ខាងក្រោយដែលមានកម្លាំងខ្លាំងអាចរត់ជើង២ នេះបានយ៉ាងលឿន និងរយៈចម្ងាយឆ្ងាយផងដែរ។
ប្រវត្តិ នៃ ការ ដាក់ ឈ្មោះ កុងហ្ការូ
តាមឯកសារពីវេបសាយបរទេសមួយចំនួនដែលបានចុះផ្សាយត្រួសអំពីវត្តនៃសត្វកុងហ្ការូនេះ បានបង្ហាញថា កាលពីអំឡុងឆ្នាំ១៧៧០ មានអ្នកស្រាវជ្រាវម្នាក់ដែលជាជនជាតិ អង់គ្លេស បានចុះទៅក្នុងទឹកដី ប្រទេសអូស្ត្រាលីដែលជាដែនដី សំបូរទៅដោយសត្វកុងហ្គារូ ច្រើនបំផុតក្នុងពិភពលោក។ រួចអ្នកស្រាវជ្រាវម្នាក់នោះក៏បានចូលទៅក្នុងតំបន់មួយកន្លែង ហើយបានជួបនឹងជនជាតិភាគតិច (Aborigines) ដែលជាអំបូរជាតិសាសន៍មួយកំពុងរស់នៅលើទឹកដីប្រទេសអូស្ត្រាលី ។
ពេលបានឃើញ’សត្វប្រភេទនេះភ្លាម បុរសម្នាក់នោះក៏មានចម្ងល់ ព្រោះគាត់ជាអ្នកស្រាវជ្រាវ និងស្គាល់ប្រភេទសត្វជាច្រើន ពិសេសគឺ ពួកថនិក’តែម្ដង ដោយឡែកស្រាប់តែឃើញសត្វកុងហ្ការូ មានរូបរាងប្លែកនិងគួរអោយចាប់អារម្មណ៍គាត់ក៏បានព្យាយាមសាកសួរអ្នកភូមិនៅទីនោះ។
អ្នកភូមិជនជាតិទាំងនោះ ពុំចេះភាសាអង់គ្លេស ចំណែកបុរសជនជាតិអង់គ្លេសនោះ ក៏មិនចេះនិយាយភាសាដើម របស់ជនជាតិទាំងនោះដែរ ដូចនេះហើយ ទើបអ្នកស្រាវជ្រាវម្នាក់ប្រើកាយវិការសួរនាំផង និងលាយលំជាមួយសំនួររបស់គាត់ថា តើសត្វនេះជា’សត្វអ្វីទៅ? (what the creature was called?) ដោយសារនិយាយស្ដាប់គ្នាមិនបាន ទើបជនជាតិដើម ទាំងនោះនិយាយតបមកគាត់វិញជាភាសាដើមរបស់ពួកគេថា ‘kangaru ! kangaru ! ‘ ដែលមានន័យថា ខ្ញុំមិនដឹងទេ ឬ ខ្ញុំមិនយល់ទេ។
តាមពិតទៅ អ្នកភូមិជនជាតិចង់និយាយថា ពួកគេមិនយល់នូវអ្វីដែលអ្នកស្រាវជ្រាវនោះកំពុងសួរឡើយ ពួកគេក៏និយាយតបជាភាសាដើមរបស់ពួកគេប៉ុណ្ណោះ។ ប៉ុន្តែដោយសារតែ អ្នកស្រាវជ្រាវនោះយល់ច្រឡំ ស្មានតែពួកជនជាតិដើមប្រាប់ថា សត្វនេះឈ្មោះ kangaru ដូចនេះទើបពេលត្រលប់មកផ្ទះ ក៏ធ្វើឯកសារស្រាវជ្រាវបន្តរការងាររបស់គាត់ រហូតមក គាត់ក៏បានដាក់ឈ្មោះថាសត្វ kangaru ។ ចាប់តាំងពីពេលនោះមក គេក៏ បានប្រើប្រាស់ពាក្យថា kangaru ! សម្រាប់សម្គាល់សត្វប្រភេទនេះតែម្ដង។ ដោយ Samady KS
