បទចម្រៀង Gloomy Sunday ដ៏ល្បីធ្វើឱ្យអ្នកស្ដាប់សម្លាប់ខ្លួនរាប់រយនាក់
នៅក្នុងឆ្នាំ១៩៣២ បុរសទុរគត៌ជាតិហុងគ្រីម្នាក់ ដែលមានឈ្មោះថា “Rezso Seress” បានព្យាយាមរស់ដោយសារមុខរបរជាអ្នកនិពន្ធបទចម្រៀងនៅទីក្រុងប៉ារីស ប៉ុន្តែគាត់មិនទទួលជោគជ័យទាយទាល់តែសោះ គឹមានតែភាពបរាជ័យយ៉ាងកំសត់។ រាល់បទចម្រៀងរបស់គាត់ ពុំបានធ្វើឲ្យក្រុមហ៊ុនផលិតកម្មនៅបារាំងចាប់អារម្មណ៍ឡើយ។ ទោះជាយ៉ាងនេះក្តី Seress មិនបោះបង់ការតាំងចិត្តរបស់គាត់ឡើយ។ គាត់កំណត់ខ្លួនឯងថាគាត់ត្រូវតែជាអ្នកនិពន្ធអន្តរជាតិមួយរូបដ៍ល្បីល្បាញ។
gloomy sunday ចម្រៀង មរណៈ
មិត្តស្រីរបស់គាត់បានបញ្ចុះបញ្ជូលគាត់ឲ្យបោះបង់មហិច្ចតាដែលគ្មានរូបរាងនេះ ចោល ដោយនាងបានបង្ខំឲ្យគាត់រកការងារ ពេញម៉ោងធ្វើ។ ប៉ុន្តែ Seress មិនព្រមតាមឡើយ គាត់បានប្រាប់ទៅនាងថា បើមិនធ្វើជាអ្នកនិពន្ធបទចម្រៀងគាត់សុខចិត្តធ្វើជាជនអនាថា។ រសៀលថ្ងៃមួយមានរឿងធំផ្ទុះឡើង ពួកគាត់បានឈ្លោះគ្នាយ៉ាងខ្លាំង ដោយសារតែការខ្វែងយោបល់គ្នាលើបញ្ហាជាអ្នកនិពន្ធដែលមិនជោគជ័យរបស់គាត់នេះ។ ពួកគេបានបែកបាក់គ្នាជាមួយពាក្យសំដី ដែលពោពេញដោយកំហឹង។
មួយថ្ងៃបន្ទាប់ ដែលជាថ្ងៃអាទិត្យ Seress បានអង្គុយក្បែរព្យាណូ សម្លឹងទៅក្រៅតាមមាត់បង្អួចសម្លឹងទៅអាគារនានាទាំងទឹកមុខព្រួយស្រងូតស្រងាត់។ នៅខាងក្រៅផ្ទាំងពពកបានហ៊ុំផ្ទៃមេឃពណ៌ប្រផេះ បន្តិចក្រោមកភ្លៀងមួយមេបានចាប់ផ្តើមធ្លាក់ យ៉ាងខ្លាំង។ “ នេះជាថ្ងៃអាទិត្យដ៍សោកសៅម្លេះ” Seress និយាយតែម្នាក់ឯងខណៈគាត់កំពុងតែលេងព្យាណូរបស់គាត។ រំពេចនោះម្រាមដៃរបស់គាត់បានសង្កត់លើខ្ទង់ព្យាណូ ហើយលេងនូវទំនុកភ្លេងមួយយ៉ាងចម្លែក ដែលហាក់ដូចជាបញ្ចាក់ពីអារម្មណ៍នឿយហត់ចំពោះចម្លោះដែលបានកើតឡើងរវាងគាត់នឹងមិត្តស្រីរបស់គាត់ ហើយទំនុកនេះក៍បង្ហាញសភាពនៃអាកាសធាតុដ៍គួរឲ្យធុនទ្រាន់នេះដែរ។
“ប្រាកដណាស់ Gloomy Sunday នឹងជាក្លាយជាចំណងជើងបទចម្រៀងថ្មីរបស់ខ្ញុំនេះ” Seress និយាយតិចៗយ៉ាងដូច្នេះ។ ភា្លមនោះដែរ គាត់បានកត់ត្រាទំនុកភ្លេងនោះនៅលើសន្លឹកកាតប៉ូស្តាល ហើយ៣០នាទីក្រោយមកគាត់ក៍បាននិពន្ធបទនោះចប់ ។
Seress បានផ្ញើបទនិពន្ធ របស់គាត់ទៅក្រុមហ៊ុនផលិតកម្មមួយហើយរងចាំការឆ្លើយតបប្រកប ដោយក្តីសង្ឈឹមច្រើជាងអ្វីដែលគាត់ធ្លាប់មាននៅក្នុងចិត្តពីមុន។ ប៉ុន្មានថ្ងៃក្រោយមក ក្រដាសចម្រៀងនោះត្រូវបានផ្ញើត្រលប់មកវិញជាមួយនឹងពាក្យបញ្ចាក់ថា ” Gloomy Sunday មានភាពចម្លែក ប៉ុន្តែវាបានបង្ហាញពីកំរិតកំពូលនៃទំនុកនិងចង្វាក់ ហើយពួកយើងក៍សោកស្តាយផងដែរ ដែលយើងមកអាចទទួលយកបទនេះបាន។ គាត់មិនបោះបង់ឡើយ គាត់បានផ្ញើបទនោះទៅផលិតកម្មដ៍ទៃទៀត ហើយក៍ត្រូវបានគេយល់ព្រមទទួលយក។ ម្ចាស់ផលិតកម្មបាននិយាយប្រាប់ Seress ថាបទរបស់គាត់នឹងចែកចាយទៅកាន់ទីក្រុងនានាជុំវិញពិភពលោក។
អ្នកនិពន្ធជនជាតិហុងគ្រីរូបនោះសប្បាយអទ្តែតអណ្តូងយ៉ាងខ្លាំង។ ប៉ុន្តែប៉ុន្មានខែក្រោយពីបទនេះបានចេញផ្សាយក៍មានរឿងដ៍ចម្លែកៗកើតឡើងជាច្រើនដែលគេនិយាយថាបណ្តាលមកពីបទចម្រៀថ្មីនេះ។ នៅទីក្រុងប៊ែឡាំងបុរសវ័យក្មេងម្នាក់បានសុំឲ្យក្រុមចម្រៀងមួយក្រុមលេងបទ Gloomy Sunday ។ ក្រោយពីបទនេះត្រូវបានលេងជាច្រើនលើករួចមក បុរសនោះបានទៅត្រលប់ទៅផ្ទះ រួចបាញ់សំលាប់ខ្លួនឯងចំក្បាលដោយកាំភ្លើងខ្លី រ៉េវ៉ុលវ៉ែ បន្ទាប់ពីបុរសរូបនោះរអ៊ូរទាំប្រាប់សាច់ញាតិថាគាត់មានអារម្មណ៍ក្រៀមក្រំ ពេលបានស្តាប់ទំនុកបទចម្រៀងថ្មីនេះ ហើយគាត់ពុំអាចបំភ្លេចវាពីខួរក្បាលបាន។
មួយសបា្តហ៍បន្ទាប់នៅទីក្រុងដដែលនេះស្រីម្នាក់អ្នកជំនួយការហាងម្នាក់ត្រូវបានរកឃើញចងកដោយ ខ្សែពួរក្នុងបន្ទប់របស់នាង។ ប៉ូលីសបានស្រាវជ្រាវឃាតកម្មនេះដោយរកឃើញថាសចម្រៀង Gloomy Sunday នៅក្នុងបន្ទប់ដេករបស់នាង។ រយៈពេល២ថ្ងៃបន្ទាបើពីសោកនាដកម្មនោះមក ស្ត្រីលេខានូវយ៉កម្នាក់បានបំពុលខ្លួនឯងដោយសារធាតុហ្គាស ព្រមជាមួយសំបុត្រខ្លីមួយច្បាប់ដែល សរសេរសុំឲ្យគេចាក់បទ Gloomy Sunday នេះក្នុងពិធីបុណ្យសពរបស់នាង។ ប៉ុន្មានសប្តាហ៍បន្ទាប់មកទៀត អ្នកទីក្រុង នូវយ៉កម្នាក់ទៀតអាយុ៨២ឆ្នាំបានលោតទំលាក់ខ្លួនពីអាគារកំពស់៧ជាន់ របស់គាត់ បន្ទាប់ពីគាត់លេងព្យាណូបទចម្រៀង “មរណៈ” នេះរួចមក។ ក្នុងរយៈពេលបន្តបន្ទាប់មកទៀត យុវជននៅទីក្រុងរ៉ូមដែលបានស្តាប់បទអពមង្គលនេះបានលោតទំលាក់ខ្លួនពីលើស្ពានស្លាប់ម្នាក់ទៀត។
សារព័ត៌មានអន្តរជាតិជាច្រើនបានចេញសេចក្តីរាយការណ៍អំពីករណីស្លាប់ប្រហែលគ្នាជាច្រើន ដែលមកពីមូលហេតុបទចម្រៀងមួយនេះរបស់ លោក Seress ។ សារព័ត៌មានមួយបានចុះផ្សាយពីករណីស្ត្រីម្នាក់ដែលរស់នៅភាគខាងជើងទីក្រុងឡុងដ៍ បានចាក់បទនេះសារចុះសាឡើងជាង ៧៨ដងដោយសំលេងឭៗធ្វើឲ្យអ្នកជិតខាងមានការភ័យខ្លាចនិងខឹងសម្បាយ៉ាងខ្លាំង ខណៈពួកគេបានដឹងឭអំពីផលអាក្រក់នៃបទនេះរួចហើយ។ ក្បាលឧបករណ៍ចាក់ថាសចម្រៀងចេះតែបន្តលេងបទនេះ ម្តងហើយម្តងទៀតមិនឈប់។ បន្ទាប់មកអ្នកជិតខាងបានសំរេចចិត្តទំលុះទ្វាចូលទៅ ស្រាប់តែ តែឃើញស្ត្រីរូបនោះអង្គុយស្លាប់លើកៅអីដោយលេបថ្នាំរម្ងាប់អារម្មណ៍លើសកំរិត។
រហូតមករាប់ខែកន្លងមក ដោយសារភាពចម្លែកនៃបទនេះ ដែលនាំឲ្យមានមរណៈភាព ជាច្រើន ដែលគេសន្មតថាមកពីបទ Gloomy Sunday នេះបានធ្វើឲ្យនាយកវិទ្យុ BBC សំរេចចិត្តបិទបទនេះមិនឲ្យចាក់ផ្សាយតាមរលកធាតុអាកាស។ និយាយពីប្រទេសបារាំងឯហ្នេះវិញ Rizzo Seress ដែលជាអ្នកនិពន្ធបទនេះក៍មានជួបប្រទះនូវសំណាំងអាក្រក់ជាមួយនឹងមរណៈភាពរបស់មិត្តស្រីរបស់គាត់ ដោយសារបទរបស់គាត់ដែរ។ គាត់បានសរសេរទៅសុំទោស និងសុំសម្រុះសម្រួលគ្នាជាមួយមិត្តស្រីរបស់គាត់ ប៉ុន្តែប៉ុន្មានថ្ងៃក្រោយមកមានព័ត៌មានអាក្រក់កើតឡើង។ Seress បានដំណឹងពីប៉ូលីសថា អតីតមិត្តស្ត្រីរបស់គាត់បានលេបថ្នាំសម្លាប់ខ្លួន ហើយនៅក្បែរខ្លួននាងមានថាសបទចម្រៀង Gloomy Sunday នេះដែរ។
ចុងឆ្នាំ១៩៣០ នៅពេលដែពិភពលោកវឹកវដោយសង្គ្រាមលោកជាមួយនឹង ហ៊ីត្លែ បទចម្រៀងអពមង្គលរបស់លោក Seress ត្រូវបានបំភ្លេចចោល ប៉ុន្តែថាសចម្រៀង និងអត្ថបទចម្រៀងនេះនៅមានជីវិតខ្លះៗនៅឡើយ (ហើយក៍មានខ្លះនៅលើអ៊ីនធឺណេត តួយ៉ាងដូចអត្ថបទដែលអ្នកកំពុងតែអាននេះស្រាប់) សំរាប់អ្នកដែលចង់ដឹងថាទំនុកភ្លេងមរណៈនេះនៅមានឥទ្ធិពលដែលជាដើមហេតុនៃសេចក្តីស្លាប់របស់វាកន្លងមករហូតដល់ឥឡូវឬទេ? ៕
តោះ នាំគ្នាស្ដាប់បទនេះនៅ តែហាមទៅសម្លាប់ខ្លួនដូចពួកគេ ឮនៅ?
———-
សំឡេងព្យាន់ណូសុទ្ធ
———-
សំឡេងមានអ្នកច្រៀង
តាមរយៈ Facebook
បំពេញឈ្មោះ
ស្តាប់អត់យល់ទេ!!!!
“Gloomy Sunday”
Sunday is Gloomy, ថ្ងៃអាទិត្យគឺជាថ្ងៃដែលខ្មៅងងឹត
My hours are slumberless, ឱកាសរបស់ខ្ញុំនៅតែដើរទៅមិនឈប់ឈរ
Dearest, the shadows I live with are numberless ជូនចំពោះអ្នកជាទីស្រលាញ់ភាពខ្មៅងងឹតដែលខ្ញុំបានរស់នៅគឺច្រើនអនេក
Little white flowers will never awaken you ទោះជាផ្កាពណ៍សដ៏ស្រស់ស្អាតក៏មិនអាចធ្វើឲ្យអ្នកដឹងខ្លួន
Not where the black coach of sorrow has taken you គ្មានកន្លែងណាដែលមានបង្រៀនថាភាពទុក្ទព្រួយនឹងទទួលយកអ្នក
Angels have no thought of ever returning you សូម្បីតែទេវតាក៏មិនដែលគិតថានឹងបញ្ជូលអ្នកមកវិញ
Would they be angry if I thought of joining you? តើពួកគេនឹងខឹងដែលឬទេបើខ្ញុំគិតថាចង់ទៅជួបជុំជាមួយអ្នក?
Gloomy Sunday
Sunday is gloomy
with shadows I spend it all ខ្ញុំបានចំណាយពេលទាំងអស់នៅជាមួយនឹងភាពខ្មៅងងឹត
My heart and I have decided to end it all បេះដូងរបស់ខ្ញុំនឹងខ្ញុំបានសំរេចចិត្តនឹងបញ្ចប់វា
Soon there’ll be flowers and prayers that are sad, នៅក្នុងពេលឆាប់ៗនេះវានឹងមានផ្កាជាច្រើននឹងសំលេងសូត្រធម៍ដ៏កំសត់
I know, let them not weep, ខ្ញុំដឹងថាវានឹងមិនធ្វើឲ្យពួកគេសំរក់ទឹកភ្នែកនោះទេ
Let them know that I’m glad to go វានឹងធ្វើឲ្យពួកគេដឹងថាខ្ញុំសប្បាយចិត្តដែលបានចាកចេញទៅ
Death is no dream, ការស្លាប់មិនមែនជាសុបន្តិ
For in death I’m caressing you សំរាប់ការស្លាប់ខ្ញុំគិតថាវាជាការលួងលោមអ្នក
With the last breath of my soul I’ll be blessing you ជាមួយនឹងដង្ហើមចុងក្រោយនៃព្រលឹងរបស់ខ្ញុំ ខ្ញុំនឹងជូនពរអ្នក
Gloomy Sunday
Dreaming, I was only dreaming សុបន្តិ ខ្ញុំគ្រាន់តែជាការយលសប្តិមួយគត់
I wake and I find you ថាខ្ញុំភ្ញាក់ឡើងនឹងរកឃើញអ្នក
Asleep in the deep of my heart, Dear ដែលគេងលង់លក់យ៉ាងជ្រៀលជ្រៅក្នុងបេះដូងរបស់ខ្ញុំ
Darling I hope that my dream never haunted you អ្នកជាទីស្រលាញ់ ខ្ញុំសង្ឃឹមថាសុបន្តិរបស់ខ្ញុំនឹងមិនតាមលង់បន្លាចអ្នកឡើយ
My heart is telling you how much I wanted you បេះដូងរបស់ខ្ញុំបានប្រាប់អ្នកថាខ្ញុំចង់បានអ្នកប៉ុណ្ណា
Gloomy Sunday
Wooow..ពិតជាព្រឺសំបុរមែនពេលស្តាប់បទនេះ
ស្តាប់ហើយមានអារម្មណ៏ ឯកកោ កំសត់ ព្រាត់ប្រាស់ តែគ្មានចង់ងាប់អីតិចទេលោកអើយ
បើចឹងល្អ ហើយ ហាហាហា
ស្តាប់ហើយដូចម៉េចមិនដឹងទេព្រឺព្រួចដែរតើ….
ប្រហែលមានជើងកបក្នុងចម្រៀងហ្នឹងហើយ បានសំបូរអ្នកសម្លាប់ខ្លួន…
ម៉េចចឹង ណ?????ស្តាប់ទៅធម្មតាតើ!!!
ស្ដាប់ហើយគួរ ឲ្យខ្លាចតិចតិចដែរ…ប៉ុន្តែអត់អីផង..