ប្រជាជនខ្មែរប៉ុន្មាននាក់ដែលប្រឆាំង និងច្បាប់ SOPA&PIPA ?
បងប្អួនខ្មែរមួយចំនួនដែលពុំទាន់បានតាមដានព័ត៌មានប្រហែលជាមិនដឹង មិនយល់ទេមើលទៅ? សូម្បីតែខ្ញុំក៏មិនបានដឹងច្បាស់អំពីព័ត៌មាននេះដែរ ព្រោះរវល់ពេក។ ដោយសារឃើញនៅតាមបណ្ដាញសង្គមដូចជា Facebook ឃើញគេនាំគ្នាពិភាក្សា គ្នាច្រើនអំពីរឿងនេះ ក៏ឆ្លៀតសួរនាំមិត្តភក្តិ និងរកព័ត៌មាននេះ ស្រាប់តែខឹងឆេវតែម្ដង។
stop PIPA and SOPA
ខ្ញុំមិនពេញចិត្តនឹងការអនុវត្តន៍ច្បាប់នេះសោះឡើយ ហើយប្រជាជនរាប់រយលាននាក់នៅក្នុងពិភពលោកក៏កំពុងខឹងសម្បា នឹងច្បាប់មួយនេះផងដែរ ព្រោះថាបើច្បាប់នេះអនុវត្តន៍ឡើងមែន វាអាចធ្វើអោយបាត់បងនូវធនធានចំណេះដឹង ក៏ដូចជាការចែករំលែកផងដែរ។
ច្បាប់ Stop Online Piracy Act (SOPA) ដែលមានន័យថាជាច្បាប់បញ្ឈប់ការលួចតាមអ៊ីនធឺណិត និងច្បាប់ Protect IP Act (PIPA) មានន័យថាជាច្បាប់ការពារ IP បានធ្វើឲ្យពិភពអ៊ីនធឺណិតមានការច្រួលច្របល់យ៉ាងខ្លាំង ព្រោះវេបសាយមួយចំនួននិងត្រូវបានបិទ ឬ Block ចោលព្រោះតែចែករំលែកចំណេះដឹង ឬ កម្មវិធីផ្សេង ដូចជា បទចម្រៀងក៏ដោយក៏ត្រូវបិទចោកដែរ។ មិនថាវេបសាយធំ ឬតូចនោះទេ មានដូចជា Google, Wikipedia និងក្រុមហ៊ុនជាច្រើនទៀតកំពុងព្យាយាមតវ៉ាធ្វើយ៉ាងណាកុំឲ្យច្បាប់ទាំងពីរនេះអនុម័តបាន។
បច្ចុប្បន្នមានតែវិស័យព័ត៌មានវិទ្យាតែប៉ុណ្ណោះដែលអាចធ្វើអោយយើងអាចទទួលចំណេះដឹងគ្មានកំណត់ ចុះបើមានការរឹតបន្តឹងបែបនេះ តើយើងត្រូវធ្វើបែបណា?
សរុបមកវិញ តើបងប្អូនខ្មែរប៉ុន្មាននាក់ ដែលចូលរួមប្រឆាំងតវ៉ាជាមួយ សភាអាមេរិកដែលបានពិភាក្សាអំពីការអនុវត្តន៍នេះច្បាប់ តាមខ្ញុំដឹងពីការឆ្លើយឆ្លងនៅក្នុង Facebook ឃើញគេនិយាយថា ច្បាប់នេះត្រូវបានរំលាយហើយ តែទោះជាបែបនេះក្ដី ក៏ខ្ញុំ រួមទាំងប្រជាជន ទូទាំងពិភពលោក កំពុងតែបារម្ភខ្លាចកើតឡើងវិញនៅថ្ងៃមុខ ដូចនេះខ្ញុំសូមគាំទ្រ លោក Mark Zuckerburg និង កំពូលអ្នកល្បីៗជាច្រើនទៀតដែលបានតវ៉ាប្រឆាំងជាមួយ SOPA & PIPA ហើយសង្ឃឹមថាថ្ងៃមុខទៀត គេនឹងមិនយករឿង SOPA & PIPA មកនិយាយទៀតឡើយ។
សម្រាប់ការចូលរួមប្រឆាំងតវ៉ាសូមយើងរាល់គ្នាចូលរូមទីនេះ
ខ្ញុំគាំទ្រច្បាប់ SOPA&PIPA