ដំណើរកម្សាន្តទៅកំពង់សោម និងពិនិត្យមើលឈ្មោះបោះឆ្នោត
ខ្ញុំទើបតែត្រឡប់មកពីកំពង់សោមដែលជាស្រុកកំណើតរបស់ខ្ញុំកាលពីម្សិលមិញ (ថ្ងៃទី ១៦-០៩២០១១) ។ ខ្ញុំបានទៅដើរលេងសួរសុខទុក្ខបងប្អូន មិត្តភក្តិ ប៉ុន្តែមូលហេតុចម្បងរបស់ខ្ញុំគឺ បំពេញភារកិច្ចជាប្រជាជនដែលទទួលខុសត្រូវចំពោះកាតព្វកិច្ច ដែលអាចមានសិទ្ធក្នុងការជ្រើសរើសថ្នាក់ដឹករបស់ខ្លួន ហេហេហេ។ ដូចនេះខ្ញុំដាច់ខាតត្រូវតែទៅជាកំហិត។
តាមរយៈព័ត៌មានដែលបានចុះផ្សាយជាច្រើនបានបង្ហាញថា សេចក្ដីប្រកាសព័ត៌មានរបស់ គ.ជ.ប នៅថ្ងៃទី ២៤ ខែសីហា ឆ្នាំ ២០១១ បានអំពាវនាវ ប្រជាពលរដ្ឋខ្មែរនៅទូទាំងប្រទេសកម្ពុជា ចំនួនជាង ៤ សែន ៧ ម៉ឺន ៦ ពាន់នាក់ ត្រូវចុះឈ្មោះបោះឆ្នោត នៅឆ្នាំ ២០១១ សម្រាប់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ នៅថ្ងៃទី ៣ ខែមិថុនា ឆ្នាំ ២០១២។
ខ្ញុំក៏មិនសូវយល់ច្បាស់អំពីរបៀបនៃការបោះឆ្នោតនេះដែរ តែតាមខ្ញុំដឹងការបោះឆ្នោតដែលមាននាថ្ងៃខាងមុខនេះគឺមានច្រើនដំណាក់កាលដូចខាងក្រោម៖
១-ថ្ងៃអាទិត្យ ទី 11-ធ្នូ ឆ្នាំ2011 ៖ ជាការបោះឆ្នោត ជ្រើសរើស សមាជិកក្រុមប្រឹក្សា ខណ្ឌពោធិ៍សែនជ័យ ដែលទើបតែ បង្កើតថ្មី របស់រាជធានីភ្នំពេញ ។
២-ថ្ងៃអាទិត្យ ទី 29-មករា ឆ្នាំ2012 ៖ ជាការបោះឆ្នោត ជ្រើសរើសសមាជិកព្រឹទ្ធសភា ។
៣-ថ្ងៃអាទិត្យ ទី 03-មិថុនា ឆ្នាំ2012 ៖ ជាការបោះឆ្នោត ជ្រើសរើសសមាជិក ក្រុមប្រឹក្សាឃុំ-សង្កាត់ ។
៤-ថ្ងៃអាទិត្យ ទី 28-កក្តដា ឆ្នាំ2013 ៖ ជាការបោះឆ្នោត ជ្រើសរើស សមាជិកសភាតំណាងរាស្រ្ត ។
៥-ថ្ងៃអាទិត្យ ទី 18-ឧសភា ឆ្នាំ2014 ៖ ជាការបោះឆ្នោត ជ្រើសរើស សមាជិក ក្រុមប្រឹក្សា ក្រុង ស្រុក ខណ្ឌ និង សមាជិកក្រុមប្រឹក្សា ខេត្ត-រាជធានី (ការ បោះឆ្នោតអាណត្តិមុន ធ្វើឡើងនៅថ្ងៃអាទិត្យ ទី 17-ឧសភា ឆ្នាំ2009)។
ដូចគ្នានេះដែរ ខ្ញុំបានទៅពិនិត្យមើលក្នុងបញ្ជីឈ្មោះតែមិនបានឃើញឈ្មោះរបស់ខ្ញុំនោះទេ ហើយក៏មានអារម្មណ៍ភ័យៗតិចតួចដែរ ក៏សាកសួរព័ត៌មានពីក្រុមការងារ គេក៏សួររកអត្តសញ្ញាណប័ណ្ណហើយចុះឈ្មោះអោយខ្ញុំឡើងវិញ និងបានប្រាប់អំពីទីកន្លែងដែលខ្ញុំនឹងត្រូវទៅបោះឆ្នោត។ តាមពិតទៅការពិនិត្យមើលឈ្មោះបោះឆ្នោតមិនមានការលំបាកប៉ុន្មានទេ ព្រោះថាបើសិនជា មិនបានឃើញឈ្មោះរបស់យើង នោះយើងគ្រាន់តែបង្ហាញ អត្តសញ្ញាណប័ណ្ណ ឬសៀវភៅគ្រួសារដល់គេ ដើម្បីចុះឈ្មោះសារជាថ្មីបាន។
សូមបញ្ជាក់ផងដែរថា ការបោះឆ្នោតលើកមុន (ឆ្នាំ២០០៨) ខ្ញុំបានចុះឈ្មោះបោះឆ្នោតត្រឹមត្រូវពិនិត្យមើល បញ្ជីឈ្មោះក៏ត្រឹមត្រូវ តែពេលវេលាបោះឆ្នោតបានមកដល់ ស្រាប់តែបាត់ឈ្មោះខ្ញុំ និងអ្នកភូមិរបស់ខ្ញុំជាង១០នាក់ឯណោះ ដូចនេះខ្ញុំមិនបានបោះឆ្នោតនឹងគេសោះ តែសង្ឃឹមថាលើកនេះ (ឆ្នាំ២០១៣) នឹងមិនមានហេតុការណ៍អាក្រក់ដូចលើកមុនទៅចុះ។ ជាចុងក្រោយខ្ញុំក៏សង្ឃឹមផងដែរថា បងប្អូនទាំងអស់គ្នា នឹងចំណាយពេលវេលា ដើម្បីទៅពិនិត្យមើលឈ្មោះក្នុងបញ្ជីឈ្មោះបោះឆ្នោតអោយបានគ្រប់ៗគ្នា ព្រោះនេះចាកាតព្វកិច្ចរបស់យើងដែលជាយុវជនជំនាន់ក្រោយ។
——————–
អត្ថបទស្រដៀងៗ៖
តាមរយៈ Facebook
បំពេញឈ្មោះ
ខ្មុំបានទៅពិនិត្យរួចហើយ ក្នុងបញ្ជីគេដាក់ឈ្មោះខ្មុំថា លោក កែវ ឌីណា ទៀតហ្ន៎
ឥឡូវគេដាក់ លោក កែវឌីណា តិចទៀតគេប្ដូរ លោកជំទាវ កែវ ឌីណាហើយ កុំភ័យអី
សង្ស័យតែគេភ្លេចសរសេរ តាមមើល! សាធុ…សាធុ… សូមឲ្យបានដូចមាត់ សាម៉ាឌីទៅលោកអើយ តែសុំយកអាមានក្រិត្យណា៎…:)
ខ្ញុំក៍បានទៅពិនិត្យមើល៍ឈ្មោះរបស់ខ្ញុំរួចហើយដែល គេដាក់ លោក គន្ធា ភេទប្រុស “(
[...] [...]