តើប្រព័ន្ធ 4G ខុសគ្នានឹង 3G ដូចម្ដេចខ្លះ? ពេលណាស្រុកខ្មែរប្រើនឹងគេ?
នៅក្នុងទស្សនាវដ្ដីអង្គរធំបានចុះផ្សាយថា ក្នុងឆ្នាំ២០១៣ ប្រព័ន្ធទូរស័ព្ទដៃនៅប្រទេសអង់គ្លេស នឹងអាចប្រើប្រព័ន្ធអ៊ីនធើរណេត ដំណើរការលឿន ជាងបច្ចេកវិទ្យា 3G បច្ចុប្បន្នដល់ទៅ ១៦ ដង បន្ទាប់ពីផ្នែកទូរគមនាគមន៍របស់អង់គ្លេស Ofcom ( អហ្វ ខម ) បានបង្ហាញគម្រោងសេវាគ្របដណ្ដប់ 4G ដល់ក្រុមហ៊ុនទូរស័ព្ទដៃទាំងឡាយធ្វើការដេញថ្លៃថ្មីៗនេះ។
សម្រាប់ប្រព័ន្ធ 4G នេះវាមានល្បឿនពី ៤ – ៨ មេហ្កាប៊ីតស៍ ក្នុងមួយវិនាទី ( Mbps ) ធៀបនឹងប្រព័ន្ធ 3Gមុន ដែលមានល្បឿនពី ០.៥ -២ Mbps ប៉ុណ្ណោះនោះដែលធ្វើឲ្យការ ប្រើប្រាស់សេវាអ៊ីនធើរណេត មិនថាជា អ៊ីម៉ែល, ឃ្លីបវីដេអូ, សេវាជជែកកម្សាន្ន, GPS និងផ្នែកទំនាក់ទំនងសង្គម ( Facebook, Twitter, hi 5…) មានល្បឿនជាងមុន ។
ក្រុមហ៊ុនចំនួន ៤ ត្រូវគេប៉ាន់ស្មានថា នឹងដេញថ្លៃទិញសិទ្ធិប្រព័ន្ធ 4G នេះដើម្បីបម្រើសេវាទំនើបនេះ ជូនប្រជាពលរដ្ឋអង់គ្លេស នាឆ្នាំ២០១៣ ខាងមុខនេះ ប៉ុន្តែសម្រាប់តំបង់ដាច់ស្រយាល ត្រូវរង់ចាំរហូតដល់ឆ្នាំ២០១៧ ទម្រាំសេវា 4G អាចគ្របដណ្ដប់៩៥% ទូទាំងប្រទេស ។
យោងតាមនាយកប្រតិបត្តិរបស់ Ofcom, លោកអេដ រីធាដស៍ (Ed Richards) មានប្រសាសន៍ថា “ការដេញថ្លៃនេះ មិនត្រឹមតែមានប្រយោជន៍ចំពោះទីផ្សារទូរគមនាគមន៍របស់អង់គ្លេសនាពេលអនាគត ប៉ុន្តែវាជាសញ្ញាដ៏សំខាន់ចំពោះសេដ្ឋកិច្ចផងដែរ ” ។
ទោះបីប្រទេសអង់គ្លេសមានប្រព័ន្ធ 4G ក្រោយប្រទេស អាមេរិក និងជប៉ុន ដែលកំពុងប្រើ 4G ប៉ុន្តែអ្នកតំណាងក្រុមហ៊ុនបានឲ្យដឹងថា ដំណើរការរបស់វា គឺមានភាពខុសពីគ្នា។
ដូចនេះយើងសង្កេតឃើញថានៅប្រទេសជឿនលឿនគេកំពុងតែប្រើប្រាស់ ប្រព័ន្ធទំនើបៗ ចំណែកស្រុកខ្មែរគឺនៅមានកម្រិតនៅឡើយ ព្រោះថាចំនួនអ្នកប្រើប្រាស់នៅមានតិចតួច នេះប្រហែលជាធ្វើអោយក្រុមហ៊ុនមិនហ៊ានវិនិយោគក៏ថាបាន។ ការប្រើប្រាស់ប្រព័ន្ធ Network បច្ចុប្បន្នមានដូចជា 3G 3.5G, GMS, និងមាន ប្រព័ន្ធ CDMA ផងដែលកំពុងប្រើប្រាស់ដោយក្រុមហ៊ុន Excell 018។ ដូចនេះតើពេលណាទើបស្រុកខ្មែរអាចមានប្រព័ន្ធ 4G ប្រើនឹងគេទៅ? ៥ឆ្នាំទៀតទេដឹង?
តាមរយៈ Facebook
បំពេញឈ្មោះ
តាមពិតប្រទេស Sweden បានដាក់ដំណើរការជិត២ឆ្នាំហើយ LTE
៥ឆ្នាំ? ឬ ១០ឆ្នាំទៀត? ទើបមានក្នុងស្រុកខ្មែរ?
Download កប់ៗ !!!
ខ្ញុំថាបើមើលទីនេះនឹងដឹងហើយ ថា 4G នឹងជាអ្វី http://en.wikipedia.org/wiki/4G?
Metfone ប្រហែលជានឹងចាប់ផ្តើមដាក់ឲ្យដំណើារការ 4G LTE នៅចុងឆ្នាំ 2012។ ប្រភព: http://www.dap-news.com/2011-06-14-02-43-39/7-health-economy/41070–4g.html
https://www.facebook.com/Metfone.Company/info
Has only rich people that have money for buy to use it