ប្រើប្រាស់កញ្ចប់ភាសាខ្មែរសម្រាប់កម្មវិធី Skype
Skype គឺជាកម្មវិធី សម្រាប់ជជែកកម្សាន្តដ៏មានឥទ្ធិពលបំផុត ព្រោះវាត្រូវបានប្រើប្រាស់ដោយមនុស្សរាប់រយលាននាក់ទូទាំងពិភពលោក ព្រោះវាមានផ្ដល់ជូននូវសេវាកម្ម Free Calls និង Free Video Calls ហើយក៏អាចចែករំលែកឯកសារផ្សេងៗ ចេញពីកុំព្យូទ័រមួយទៅកុំព្យូទ័រមួយទៀតបានយ៉ាងងាយ..។ ខ្ញុំក៏បានធ្វើការបកប្រែរួចរាល់តាំងពីឆ្នាំ ២០០៩ មកម្លេះប៉ុន្តែ ខ្ញុំពុំដែលបានយកមកបង្ហាញនោះទេ ម្យ៉ាងវិញទៀតដោយសារខ្ញុំគិតថាប្រហែលជាមានចន្លោះខ្វះខាត។
លុះក្រោយមកខ្ញុំក៏បានសម្រេចចិត្តចាប់ផ្ដើមធ្វើឡើងវិញ ដោយសារតែមានមិត្តភក្តិមួយចំនួនតែងតែសួររកកញ្ចប់ភាសាខ្មែរនេះ ម្យ៉ាងវិញទៀតសូម្បីតែនៅក្នុងស្ថិតិគណនីនៃទំព័រ Blog របស់ខ្ញុំក៏មានបង្ហាញថាមានគេស្វែងរកកញ្ចប់ភាសាខ្មែរដែរ ដូចនេះខ្ញុំក៏សូមយកដាក់ជូនគ្រាន់ជាឯកសារខ្លះក្នុងប្រព័ន្ធអ៊ិនធឺណេត។
សូមបញ្ជាក់ផងដែរ ការបកប្រែរបស់ខ្ញុំគឺធ្លាប់ធ្វើបានប្រហែលជា ៧០% លុះក្រោយមកទៀតខ្ញុំឃើញ បង ឈ រ៉ាន ដែលជាម្ចាស់ទំព័រ ខ្មែរអាយធី បានធ្វើការបកប្រែរួចរាល់១០០% តែអ្វីដែលខ្ញុំមិនសូវជាចាប់អារម្មណ៍នោះ ដោយសារតែការបកប្រែរបស់គាត់ប្រើប្រាស់ពាក្យបច្ចេកទេស ដែលពិបាកនឹងយល់ ពិសេសទៅទៀតគឺ មិនប្រើប្រាស់តាមវចនានុក្រមសម្ដេចជួនណាត។ ដូចនេះខ្ញុំបានយកធ្វើការកែសម្រួល ហើយបញ្ចូលគ្នាជាមួយកញ្ចប់ភាសាដែលខ្ញុំបានធ្វើ។ សូមមើលឧទាហរណ៍ដូចខាងក្រោម៖
|
ពាក្យ និង ឃ្លាដែលបង ឈរ រ៉ាន បានបកប្រែ |
ពាក្យ និង ឃ្លាដែលខ្ញុំបានបកប្រែ |
|
គ្មាន ទាន់អាច ភ្ជាប់ទៅគណនីបាន |
ពុំទាន់ត្រូវបានភ្ជាប់ទៅកាន់គណនី |
|
គ្មានអាចបើក ស្កាយភ៍ តែ អ្នក បានភ្ជាប់ហើយ លើកុំព្យូរើ នេះ |
ពុំអាចបើក ស្កាយភ៍បានទេ តែអ្នកបានភ្ជាប់ក្នុងកុំព្យូទ័រនេះរួចរាល់ហើយ |
|
សំអាត |
សម្អាត |
|
សំរាប់ |
សម្រាប់ |
|
ព័តមាន |
ព័ត៌មាន |
សូមបញ្ជាក់ផងដែរ ខ្ញុំមិនមែន មានន័យប្រឆាំង ឬមិនគាំទ្រចំពោះការបកប្រែរបស់គាត់នោះទេ តែខ្ញុំគ្រាន់តែបកប្រែទៅតាមពាក្យដែលងាយយល់ ហើយពាក្យខ្មែរណាដែលមិនមែនជាពាក្យបច្ចេកទេសគឺ ខ្ញុំប្រើប្រាស់ពាក្យតាមវចនានុក្រមសម្ដេច ជួនណាត មកធ្វើជាគោល ដោយប្រើប្រាស់ព្យាង្គតម្រួត។ បើសិនជាចាប់អារម្មណ៍សូម ចុចទាញយកទីនេះ ។
របៀបធ្វើអោយអក្សរខ្មែរមើលបានច្បាស់ក្នុងកម្មវិធី Skype
បន្ទាប់ពីបានទាញយកកញ្ចប់ភាសានេះហើយ សូមបើកម្មវិធី Skype ហើយចុចលើ Tools >> Change Language >> Load Skype Language File .
ជ្រើស រើស ភាសា
បន្ទាប់មកទៀតការបង្ហាញអក្សរខ្មែរប្រហែលជាមើលមិនច្បាស់នោះទេ ព្រោះរូបរាងតូចៗមើលសឹងតែមិនឃើញ ដូចនេះដើម្បីដោះស្រាយសូមធ្វើតាមការណែនាំបន្តទៀត។
សូមចូលទៅកាន់ Control Panel >> Appearance and Personalization >> Personalization >> Window Color and Appearance នោះវានឹងបង្ហាញផ្ទាំងមកដូចនេះសូមកែ Menu និង Icon ជ្រើសរើសយក Khmer OS Systme៖
ប្ដូរ ម៉ូដ អក្សរ ខ្មែរ Khmer OS System
ប៉ុន្តែសម្រាប់កុំព្យូទ័រ Laptop ដែលមាន ស្គ្រិនតូចប្រហែលជាមិនទាន់អាចមើលអក្សរខ្មែរបាននោះទេដូចនេះសូមប្ដូរទំហំ ស្គ្រិន ទៅ ១០០% ទៅ ជា ១២៥% វិញដោយចូលទៅកាន់ Control Panel >> Appearance and Personalization >> Display ដើម្បីកែប្រែ។ មើលខាងក្រោម៖
ប្ដូរ ទំហំ
ចប់! សូមរីករាយក្នុងការប្រើប្រាស់ក្នុងកម្មវិធី Skype ជាអក្សរខ្មែរ…អគុណ
តាមរយៈ Facebook
បំពេញឈ្មោះ
សាកប្រើម៉ាញ៉ាច់សិន!
មួយវិញទៀត! ត្រង់កន្លែង
សូមចូលទៅកាន់ Control Panel >> Appearance and Personalization >> Personalization >> Window Color and Appearance នោះវានឹងបង្ហាញផ្ទាំងមកដូចនេះសូមកែប្រែដូចរូបភាពខាងក្រោម៖
ចំពោះអ្នកប្រើ Ultimate រកឆ្កួតហ្មង (ដូចញ៉ុម)….
សូមចូលទៅកាន់ Run => វាយ control color => Enter វានឹងបង្ហាញផ្ទាំងខាងលើ!
ha ha ha ha ha ប៉ុណ្ណឹងមានអីឆ្កួត?
ហេហេ! ឆ្កួតត្រង់ខំ រកហើយធើតាម វាអត់ចេញ ហេហេហ! តែបើដាក់ តាម Run ចេញប្រុយហ្មង!
ha ha ha ចឹងក៏ចឹងទៅចឹង
wow wow!!
ចង់ប្រើ Skype ជាភាសាខ្មែរដែរ ប៉ុន្តែខ្ញុំទាញយកមកប្រើមិនបានសោះ ។
វាបង្ហាញ LANG File ដែលធ្វើឲ្យខ្ញុំ Install មិនបាន ។ សូមជួយប្រាប់ខ្ញុំផង ។ ព្រោះអីខ្ញុំជា…….។
ទាញយកញ្ចប់ file.lang ខាងលើ ។ បើកកម្មវិធី skype ប្ដូរភាសារជ្រើសរើស load language file.
you did great….try your best…i support you