សាកល្បងប្រើប្រាស់អ៊ិនធឺណេតរបស់ qbmore
លើកមុនខ្ញុំបានប្រើប្រាស់សេវកម្ម Cellcard Unlimited ចំណាយ ៥ដុល្លាក្នុង១ខែ ប៉ុន្តែមិនដឹងថា ក្រុមហ៊ុននោះ ចង់មានន័យយ៉ាងណាចំពោះពាក្យ Unlimited នេះទេ។ ព្រោះខ្ញុំបានភ្ជាប់ Cellcard Unlimited 5$ per month ប៉ុន្តែប្រើបានត្រឹមតែ ២សប្ដាហ៍ប៉ុណ្ណោះស្រាប់តែអស់ទឹកប្រាក់ ៥ដុល្លា រួចក៏កាត់លុយដែលនៅសេសសល់ ជាង២ដុល្លាផ្សេងទៀត។
យ៉ាងណាក៏ដោយ ក៏ល្បឿនអ៊ិនធឺណេតរបស់ក្រុមហ៊ុននេះ ល្អបង្គួរអាចទទួលយកបាន ប៉ុន្តែវាកើតមានបញ្ហាញឹកញាប់ ពេលបើកវេបសាយម្ដង។ ពេលខ្លះខ្ញុំចាំបាច់ត្រូវ Refresh ញឹកញាប់ទើបអាចចូលទៅកាន់គេហទំព័របាន។
ថ្វីដ្បិតតែមានបញ្ហាបែបនេះមែន ប៉ុន្តែល្បឿនរបស់វា អាចអោយយើងមើលវីដេអូ ឬស្ដាប់ចម្រៀង Online បានយ៉ាងស្រួល។
ឥឡូវនេះខ្ញុំបានសាកល្បងប្រើប្រាស់ សេវាអ៊ឺនធឺណេតរបស់ qbmore ដែលជាសេវាកម្មរបស់ក្រុមហ៊ុនបណ្ដាញទូរស័ព្ទចល័ត QB (013) វិញ។ ការប្រើប្រាស់គឺភ្ជាប់ស៊ិមកាត ក្នុង Modem របស់ខ្ញុំ ឃើញថាល្អផស់គេមែន ។
តាមអ្វីដែលខ្ញុំដឹងខ្លះអំពីសេវាកម្មនេះគឺមាន Promotion មានដូចខាងក្រោម…..
ផ្ដល់ជូន unlimited FREE access ៖ សេវាកម្មនេះគឺបានផ្ដល់ជូននូវការចូលទស្សនាគេហទំព័រចំនួន ៥ដោយឥតគិតថ្លៃគ្មានកំណត់ រួមមានៈ
- http://www.google.com.kh
- http://www.dap-news.com
- http://kohsantepheapdaily.com.kh
- http://www.phnompenhpost.com
- 0.facebook.com
ប៉ុន្តែសម្រាប់ការចូលក្នុងទំព័រ Facebook នោះចាំបាច់ត្រូវវាយលេខ ០ នៅពីមុខ (www.0.facebook.com) បើមិនធ្វើបែបហ្នឹងទេ នោះវានឹងគិតថ្លៃធម្មតាគឺ 1MB=1cen ។
ចំពោះការចូលទស្សនាគេហទំព័រ Facebook ឥតគិតថ្លៃនេះដូចជាពិបាកបន្តិចព្រោះថាខាងក្រុមហ៊ុនបាន Block នូវ Function លើរូបថត ដោយមិនអាចបង្ហាញបានទេ ខ្ញុំបានសាកល្បងបើកដែរ តែដូចជាវង្វេងព្រោះ មានតែអក្សរ មិនមានរូបភាពណាត្រូវបានបង្ហាញនោះឡើយ។ សូមមើលរូបខាងក្រោមៈ
ល្បឿន ៖ ខ្ញុំមិនចាំថាមាន Speed Connection មានទំហំប៉ុណ្ណានោះទេ តែលឿនណាស់ អាចប្រើប្រាស់បំពេញតម្រូវការរបស់យើងបាន ដូចជាការ Download គឺមានល្បឿនរហូតដល់ទៅ 140kb-150kb ក្នុង ១វិនាទី។
តម្លៃការប្រើប្រាស់៖ 1cen/MB… ១សេនសម្រាប់ ១មេកាបៃ ប៉ុណ្ណឹងគឺវាសមល្មមហើយ ប៉ុន្តែខ្ញុំបានភ្ជាប់នូវសេវាសម្រាប់អ៊ិនធឺណេត ដោយចំណាយត្រឹម ៥ដុល្លា ក្នុង១ខែនោះខ្ញុំអាចទទួលបានការប្រើប្រាស់ចំនួន 1G រួមទាំងមានផ្ដល់ជូន Call Free បានដល់ទៅ 100នាទីសម្រាប់ក្នុងប្រព័ន្ធ និងមានផ្ដល់ជូន Free SMS ចំនួន៥០០សារ និង MMS ជាច្រើនទៀតផង។
អ្វីដែលខ្ញុំកំពុងតែដឹងគឺមានប៉ុណ្ណឹង ចាំមើលពេលមានអ្វីថ្មីចាំខ្ញុំប្រាប់តាមក្រោយ។
តាមរយៈ Facebook
បំពេញឈ្មោះ
ពាក្យថា Unlimited គឺគ្រាន់តែជាឈ្មោះ ប្រូម៉ូសិន របស់ cellcard តែប៉ុណ្ណោះ ដាក់ឲ្យចាប់អារម្មណ៍ (ឬដើម្បីបោក? ហេហេ) កាលមុនញ៉ុមចាប់អារម្មណ៍ដែរ! តែអាឡូវ Digi ញ៉ុមនៅតែឡូយ!
140kb-150kb? ចឹង ប្រើ metfone វាមិនល្អជាង…. បើនិយាយចំពោះ digi វិញ គ្មានឃើញឲ្យប្រយោជន៍មកទេ មានតែយកប្រយោជន៍ទៅវិញ.. ទាមទានេះ ទាមទានោះ ទាមទាដល់ក ទាល់តែដាក់ឯកសារជា Private ឲ្យទាម៉ាសាលាញ់
ខ្ញុំកំពុងតែគិតចង់ប្រើ ឌីជី គឺសេវាកម្មវិធីសម្រាប់ មូដឹម ១០ដុល្លាក្នុងខែ ប៉ុន្តែត្រូវចំណាយរហូតដល់ ៣៥ដុល្លាសម្រាប់ខែដំបូង ម្យាងទៀត ខ្ញុំគិតថា ពេលណាមួយដែលខ្ញុំត្រូវចុះ តាមខេត្តម្ដងម្កាលប្រហែលជាមិនបានប្រើទេមើលទៅ
ខ្ញុំប្រើប្រាស់ Metfone 3G ១០$/១ខែ ទទួលបានការប្រើប្រាស់ទិន្នន័យ ១៥០០MB=1,5G ។ បើបញ្ចូល ១០ដុល្លាប៉ះចំថ្ងៃចុងខែ គេអាចថែមអោយទឹកប្រាក់ ១០០% នៅក្នុងប្រព័ន្ធ បើនិយាយពីល្បឿនវិញគឺលឿន ។ តែប្រើចឹងនៅតែចាញ់ Digi ទេ ចង់ភ្ជាប់សេវាកម្មអ៊ីនធ័រណិត Digi វិញ Free ច្រើនជាង (តែអត់មានសេវាកម្មដល់ផ្តុំផ្ទះខ្ញុំ)
មិនដឹងថ្ងៃណាទើបតម្លៃអ៊ិនធឺណេតស្រុកខ្មែរសល់ត្រឹម ១០ដុល្លា១ខែ ប្រើ Unlimited ទេ ន៎..?
មិនដឹងថ្ងៃណាទើបតម្លៃអ៊ិនធឺណេតស្រុកខ្មែរសល់ត្រឹម ១០ដុល្លា១ខែ ប្រើ Unlimited ទេ ន៎..?
ចំលើយតបៈ ១០ unlimited គឺមានតើ គឺល្បឿន 64kbps តែបើគ្មានចេញស្អីទេសព្វថ្ងៃនេះ ព្រោះតំរូវការនៃការទាញល្បឿនអ៊ីនធើណេតរបស់កម្មវិធី browser មួយៗហ្នឹង អន់បំផុតក៏ 128 ទៅ ២៥៦ដែរ ខ្ញុំឯនេះ 1024Kbps នៅចង់យ៉ាប់ផង……
មិនបាន Unlimited ក៏ហីទៅចុះ ឲ្យតែផ្ដល់កញ្ចប់សេវាកម្ម ២០ ទៅ៣០GB រឺក៏មួយក៏មានWebsite free កាន់តែច្រើនឲ្យបើកមើលសេរីទៅស្រួលបាត់ទៅហើយ
ល្បឿនអ៊ីនធើណេតវាសំខាន់ណាស់ តែមួយវិញទៀត ថវិការក៏ជាបញ្ហាចោលដែលត្រូវតែគុណគូររកដំណោះស្រាយសមស្របមួយផងដែរ។ តើខ្ញុំនិយាយចឹងត្រូវ រឺខុសទៅណ៎….?
តែBeeline គឺ ៤ដុល្លា ១០០០មេកាបៃ ប្រើបានមួយខែ តែល្បឿនវិញធម្មតាមិនលឿនពេក ហើយក៏មិនយឺតពេកដែរ គឺល្មម!!! តែអត់Freeលើwebsiteណាមួយឡើយ!
[...] [...]
[...] [...]