បង្កើតសិទ្ធបញ្ញារសម្រាប់សេដ្ឋកិច្ច
ប៉ុន្មានថ្ងៃនេះ មានមតិមិត្តអ្នកអានជាច្រើនបានពិភាក្សាគ្នាទៅលើ ទស្សនៈបង សុខ ចាន់ផល អ្នកនិពន្ធនៅហង្សមាស និយាយអំពីការចម្លងបទចម្រៀង ធ្វើអោយខ្ញុំនឹកចាំ បានថាកាលពីឆ្នាំ២០០៩ មន្រ្តីមកពី ១៥ប្រទេសនៅអាហ្រ្វិក និងអាស៊ីបានមកដល់ប្រទេសកម្ពុជាដើម្បី ចូលរួមពិភាក្សាអំពីការអនុវត្តផ្នែកកម្មសិទ្ធបញ្ញាក្នុងគោលដៅសេដ្ឋកិច្ច។ នេះគឺជាលើកទីមួយ ហើយ ដែលប្រទេសកម្ពុជាត្រូវបានជ្រើសរើសធ្វើជាគោលដៅសម្រាប់បណ្តាប្រទេសផ្សេងៗ ក្នុង ការដកស្រង់បទពិសោធន៍។ មន្រ្តីបានបញ្ជាក់ថា ការអនុវត្តច្បាប់កម្មសិទ្ធិបញ្ញាបានជួយជាប្រយោជន៍ចំពោះអ្នកប្រើប្រាស់ និងជួយ ដល់កំណើនសេដ្ឋកិច្ចជាតិ។
លោក សរ សុវណ្ណារ៉ា មន្ត្រីក្រសួងពាណិជ្ជកម្មបានឲ្យដឹងថា នៅពេលច្បាប់កម្មសិទ្ធិបញ្ញាត្រូវបានអនុវត្តពេញលេញ វានឹងជួយបម្រើផល ប្រយោជន៍ ប្រជាពលរដ្ឋ ពង្រឹងកេរ្តិ៍ឈ្មោះប្រទេស និងជួយដល់ចំណូល សេដ្ឋកិច្ចជាតិ។
ដូចនេះ បើប្រទេសយើងកម្មវិធីបញ្ញារនោះប្រហែលជាល្អមែនហើយមើលទៅ ព្រោះថាកុំអោយចេះតែ Copy យកផស់គេមកធ្វើជាផស់ឯង ណាមួយឧទារហណ៏ថា មានក្រុមហ៊ុនផលិតកម្មមួយបង្កើត បទចម្រៀងដល់ពេល ក្រុមហ៊ុនផ្សេងចំលងបទចម្រៀងផសគេយកមកច្រៀង ធ្វើអោយម្ចាស់ក្រុមហ៊ុនហ្នឹង អន់ចិត្តដល់ថ្នាក់បិទក្រុមហ៊ុនចោល ឈប់រកស៊ីខាងហ្នឹងទៀត ដូចនេះវាធ្វើអោយសិល្បះខ្មែរចុះថយ,
តើលោកអ្នកគិតយ៉ាងដូចម្តេចដែរចំពោះការបង្កើតអោយមានច្បាប់ស្តីពី សិទ្ធបញ្ញារនេះ? បើបង្កើតឡើងបានមែន តើមាន គុណសម្បត្តិ អ្វីខ្លះ? និងគុណវប្បត្តិអ្វីខ្លះ?
តាមរយៈ Facebook
បំពេញឈ្មោះ
ពិបាកនិយាយពីគុណវិប្បត្តិណាស់ ព្រោះច្បាប់នេះការពារដល់បគ្គុលដែលមានស្នាដៃ និងមានប្រាជ្ញាច្មៃប្រឌិត និងបង្កើតថ្មី។ ច្បាប់ហ្នឹងនឹងលើកទឹកចិត្ត អោយក្រុមបញ្ញាជនទាំងអស់ ប្រឹងប្រែបង្កើតថ្មី ពីព្រោះអ្វីដែលគេបង្កើតថ្មីនឹងច្បាស់ថា នឹងផ្តល់ប្រយោជន៍ដល់ខ្លួនគេជាទីគាប់ចិត្ត។
បើសាម៉ាឌី បង្កើតបានបទចំរៀង១បទ ប្រាកដជាមិនហ៊ានចេញទេ ពីព្រោះម៉ាប្រព្រិចភ្នែកនឹង បាត់ឈ្មោះសាម៉ាឌីចេញឈ្មោះអ្នកថ្មីហើយ។ ដល់អញ្ចឹងមានចិត្តអីទៀត? ហ្នឹងហើយធ្វើអោយអ្នកចេះអាប់ប្រាជ្ញា។
ចំពោះខ្ញុំ ខ្ញុំគិតថាកាលណាប្រទេសកម្ពុជាយើង អាចអនុវត្ត និងប្រើប្រាស់ច្បាប់នេះ ឲ្យមានប្រសិទ្ធិភាពនោះ។វាជាការប្រសើរបំផុត។ ចំពោះ អ្នកដែលចម្លងយកស្នាដៃរបស់អ្នកដទៃ មកធ្វើជាស្នាដៃរបស់ខ្លួនឯងនោះ វាជារឿងមួយ គួរឲ្យអាម៉ាស់ណាស់ ដែលកើតមកជាមនុស្សនឹងគេដែរ ហេតុអ្វីក៏មិនមានស្មារតីជាមនុស្សហ្នឹងគេសោះអញ្ចឹង! តើគេធ្លាប់គិតដែរទេថា ម្ចាស់ស្នាដៃ គេមានអារម្មណ៍យ៉ាងម៉េច នៅពេលដែលស្នាដៃរបស់គេ ដែលខិតខំទាំងយប់ទាំងថ្ងៃត្រូវបានអ្នកដទៃយកទៅចម្លងជាស្នាដៃឬជាកម្មសិទ្ធិរបស់ផ្ទាល់ខ្លួននោះ? បើគេជាម្ចាស់កម្មសិទ្ធនោះ តើគេនឹងមានអារម្មណ៍យ៉ាងម៉េចដែរ?ខុំសូមគាំទ្រទាំងស្រុងនូវការអនុវត្តច្បាប់នេះ និងសូមឲ្យរដ្ឋាភិបាលកុំបានតែនិយាយកោកៗ សូមអនុវត្តវាឲ្យមានប្រសិទ្ធិភាពផង។
ជាចុងក្រោយសុមឲ្យកូនខ្មែរទាំងអស់ សូមចងចាំផងនូវសុភាសិតចាស់ខ្មែរបុរាណ ដែលពោលថា “ស៊ូសូន្យក្នុងនាមកិត្តិយស ជាជាងបានពិន្ទុខ្ពស់ក្នុងនាមចម្លងគេ”, “ទូកទៅ កំពង់នៅ”, “ខ្លួនទីពឹងខ្លួន” !!
ពិតមែនហើយ ខ្ញុំក៏គិតដូចជាគំនិត របស់ Sky ដែរ