កម្មវិធីការិយាល័យខ្មែរ Open Office និង Microsoft Office
អ្នករាល់គ្នាភាគច្រើនសុទ្ធតែធ្លាប់បានស្គាល់មកហើយអំពីកម្មវិធីការិយាល័យដូចជា Microsoft Office និង Open Office ។ កម្មវិធីទាំងពីរនេះគឺសម្រាប់ការងារពាក់ព័ន្ធនិងការិយាល័យ តែខ្ញុំពុំអាចរៀបរាប់លម្អិតនោះទេ។ ហើយអ្វីដែលខ្ញុំចង់បង្ហាញនាពេលនេះគឺ ភាពខុសគ្នារវាង MS. Office ជាភាសាខ្មែរ និង Open Office ព្រោះថាបច្ចុប្បន្ននេះកម្មវិធីទាំងសុទ្ធតែអាចប្រើប្រាស់ជាភាសាខ្មែរបានដូចគ្នា ហើយខ្ញុំធ្លាប់ឃើញសំនួរត្រូវបានសួរក្នុងទំព័រ WordPress ដទៃទៀតថា តើគួរប្រើកម្មវិធីមួយណាក្នុងចំណោមកម្មវិធីទាំងពីរនេះ? ដូចនេះខ្ញុំសូមបង្ហាញគំនិតខ្លះៗអំពីកម្មវិធីទាំងពីរ៖
កម្មវិធី Microsoft Office
ក្នុងស្រុកខ្មែរសឹងតែ ១០០% ទៅហើយសុទ្ធតែប្រើប្រាស់កម្មវិធីនេះ គ្រប់ស្ថាប័ននានា ឬតាមបណ្ដាហាងអ៊ិនធឺណេត នានាគឺតែងមានកម្មវិធី Microsoft Office ជានិច្ច។ តែមានអ្នកដែលប្រើប្រាស់តិចតួចបំផុតដែលបានដឹងថា កម្មវិធីនេះអាចប្រើផ្ទៃខាងមុខជាភាសាខ្មែរបាន (Interface របស់កម្មវិធីទាំងមូល) សូមមើលរូបខាងក្រោម៖
គុណសម្បត្តិនៃកម្មវិធីនេះ
កម្មវិធី ការិយាល័យ ខ្មែរ MS Office
- មានគេប្រើប្រាស់ច្រើនងាយស្រួលក្នុងការបើកមើលឯកសារនៅក្នុងកុំព្យូទ័រដទៃទៀត ( ហាងអ៊ិនធឺណេត, ហាងបោះពុម្ព, សាលារៀន.ល) ព្រោះគ្រប់គ្នាសុទ្ធតែប្រើប្រាស់វា។
- អាចប្រើប្រាស់ផ្ទៃមុខ (Interface) ជាភាសាខ្មែរបាន ចង់ដឹងបន្ថែមសូមមើលក្នុងទំព័រប្លក់ សម្រាប់ខ្មែរ
គុណវិបត្តិនៃកម្មវិធីនេះ
- គ្មានកម្មវិធីពិនិត្យអក្ខរាវិរុទ្ធ តែបើចង់ប្រើវា ចាំបាច់ត្រូវដំឡើង កញ្ចប់កម្មវិធីជំនួយដល់ខ្មែរយូនីកូដ ការប្រើប្រាស់ត្រូវចំណាយពេលយូរក្នុងការពិនិត្យអក្សរ ព្រោះពេលសរសេរខុសភ្លាមយើងមិនអាច ចុច Right Click ហើយប្ដូរយកពាក្យដែលត្រឹមត្រូវនោះទេ ទាល់សរសេរអត្ថបទឱ្យចប់សិន ហើយចាប់ផ្ដើមដំណើរការកម្មវិធីនេះសិន នោះវានឹងពិនិត្យអក្ខរាវិរុទ្ធ ពីឃ្លាដំបូងរហូតដល់ឃ្លាបញ្ចប់នៃអត្ថបទ។
- ការចម្លងអត្ថបទ ឬពាក្យ ចេញពីក្នុង កម្មវិធី MS.Word ទៅក្នុងទំព័រទំព័រផ្សេងៗ ដូចជា អ៊ីមែល៍ ឬទំព័រប្លក់ នោះវាមិនអាចរក្សាទ្រង់ទ្រាយដើម (Default) បានឡើយ អាចធ្វើឱ្យតួអក្សរ រញ៉េរញ៉ៃពិបាកមើល។
កម្មវិធី Open Office
គឺជាឈុតកម្មវិធីការិយាល័យ ការប្រើប្រាស់ក៏ស្រដៀងគ្នាដែរ អាចប្រៀបធៀបបានទៅនឹង MS Office រួមមានកម្មវិធីដំណើរការអត្ថបទ កម្មវិធីសៀវភៅបញ្ជី កម្មវិធីការបង្ហាញ កម្មវិធីរូបមន្តគណិតវិទ្យា និង កម្មវិធីសម្រាប់គូរ។សូមមើលរួបខាងក្រោម៖
កម្មវិធី ការិយាល័យ Open Office khmer
គុណសម្បត្តិនៃ កម្មវិធីនេះ
- ជាលក្ខណៈកូដចំហ អាចចម្លងចែកគ្នាប្រើប្រាស់បាន ការដំឡើងក្នុងកុំព្យូទ័រពុំចាំបាច់ត្រូវការ Serials Number ។
- មាន កម្មវិធីពិនិត្យអក្ខរាវិរុទ្ធ តាមបទដ្ឋានវចនានុក្រមសម្ដេច ជួនណាត មិនខ្លាចនឹងការសរសេរខុសពាក្យពេចន៍ ពេលសរសេរខុសភ្លេចវានឹងបង្ហាញបន្ទាត់ក្រហមនោះនៅក្រោមពាក្យ នោះយើងគ្រាន់តែ Right Click រួចរើសយកពាក្យដែលត្រឹមត្រូវ។
- ងាយស្រួលសម្រាប់អ្នកប្រើប្រាស់ ប្លក់ WordPress និង Blogspot ឬសរសេរអ៊ីមែល៍ ព្រោះគ្រប់ទាំងទ្រង់ទ្រាយដែលយើងបានបង្កើតក្នុង OpenOffice នោះអាចចម្លងបានទាំងស្រុង ពិសេសគឺ WordPress ដោយពុំចាំបាច់សរសេរកូដ HTML ឡើយ។
គុណវិបត្តិនៃ កម្មវិធីនេះ
- អ្នកប្រើប្រាស់កុំព្យូទ័រនៅស្រុកខ្មែរភាគច្រើនមិនទាន់បានស្គាល់កម្មវិធីនេះទេ។
- បើយើងចង់យកឯកសារទៅ បើនៅក្នុងកុំព្យូទ័រដទៃ ( សាលារៀន, ហាងអ៊ិនធឺណេត, ស្ថាប័ននានា) ប្រហែលជាពិបាកព្រោះ កន្លែងទាំងហ្នុងភាគច្រើនគ្មានកម្មវិធីនេះ ក្នុងកុំព្យូទ័ររបស់គេឡើយ។ បើចង់យកទៅបើកទៅក្នុងកុំព្យូទ័រកន្លែងផ្សេងចាំបាច់យើងត្រូវរក្សាឯកសារ (Save As) ពី document.otd ឱ្យទៅជា document.doc ដើម្បីបើកក្នុង Microsoft Office ។
ដូចនេះអ្នកអាចដឹងខ្លះៗអំពីភាពខុសគ្នារវាងកម្មវិធីទាំងពីរខាងលើ។ សម្រាប់ខ្ញុំបច្ចុប្បន្នគឺបានដំឡើងទាំងពីរក្នុងកុំព្យូទ័ររបស់ខ្ញុំ។
ខ្ញុំស្អប់ប្រូក្រាមនេះ ព្រោះបើប្រើជាមួយ ម៉ាក់(MacOsX) ដូចជាអត់មានដំណើរការលឿនសោះ ណាមួយនៅសហរដ្ឋ អត់សូវមានអ្នកប្រើច្រើនផង !
អូហ៍…ខុសពីខ្ញុំ! ខ្ញុំស្អប់កុំព្យូទ័រ Mac ដូចផស់បងស្វាឯងណាស់ ព្រោះថ្លៃពេកខ្ញុំអត់មានលុយទិញ ហាហាហា ដើរចូលហាងកុំព្យូទ័រលើកណាក៏បានត្រឹមតែសំឡឹង អត់ហានប៉ះផង ព្រោះ១គ្រឿង សុទ្ធតែរាប់ពាន់ដុល្លា ឯណោះ ហាហាហា
ហាស ហាស ម្យ៉ាងម្នាក់រ៉េ ខ្ញុំស្អប់វិនដូវដែរ បើគេជ្រុះ ខ្ញុំក៏អត់ខ្ចីរើសដែរ !
ល្អហើយលោកស៊ីម៉ាដាម!
Open Office អាចរក្សាទុកឯកសារជា pdf ដើម្បីយកទៅបោះពុម្ពនៅលើកុំព្យូទ័រផ្សេងបាន ។
រឿង PDF អត៉ពិបាករ៉េ អាចបង្កើតមិនចាំបាច់មានប្រូក្រាមសំរាប់បង្កើត PDF( AdobeMill) ក៏ អាចរក្សាបានដែរ
រាល់ថ្ងៃខ្ញុំប្រើ Open Office សម្រាប់តែសរសេរប្លក់ តែពេលខ្លះអត្ថបទភាសាខ្មែរខ្ញុំប្រើ Open Office Save As ទៅក្នុង Word.
បើមាន Laser Printer យើងអាច Save ជា Pdf បាន ដោយមិនចាំបាច់ត្រូវការប្រូក្រាមសំរាប់ បង្កើត PDF
អរគុណ សាម៉ាឌី
គូថពូឌី!!
ឯកសារ open office បើកក្នុង word ក៏ចេញដែរ តែ word ស៊េរីថ្មី។
តាមបទពិសោធន៍របស់ខ្ញុំ open office/writer ក៏ដោយ libre office/writer ក៏ដោយ នៅតាមក្រោយ word ឆ្ងាយណាស់ (លើកលែងតែចំនុចល្អខ្លះដូចបានលើកឡើង ដូចជាភាសាខ្មែរ ..) និង នៅមិនទាន់ស្តាបនោះទេ ហើយអាក្រក់បំផុត ដែលធ្វើអោយខ្ញុំរាងចាល បោះបង់វាចោល គឺវាលុបរូបមន្តគណិតដែលខ្ញុំសរសេរហើយចោល ដោយគ្មានមូលហេតុ។
ចុះមានកញ្ចប់ភាសាសម្រាប់ Microsoft Office 2010 ដែរឬទេ?
Microsoft Office 2010 និង OpenOffice3.3អាចប្រើជាមួយគ្នាបានដោយគ្មានបញ្ហាក្នុងការបើកនោះទេ ។ ខ្ញុំចូលចិត្តOpenOffice តែមិនអាចតម្រូវចិត្តខ្ញុំបានល្អដូច Microsoft Office ទេ! ចំណូចល្អគឺការអក្ខរាវិរុទ្ធតែប៉ុណ្ណោះ ។ វាបុរាណដូចWord 2003