Category Archives: ដំណើរកម្សាន្ត
ធ្វើដំណើរទៅលេងមណ្ឌលគិរីនាដើមឆ្នាំ ២០១៣
ពួកខ្ញុំបានបបួលគ្នាទៅលេងកម្សាន្តនៅទីនោះរយៈពេល ២យប់ ៣ថ្ងៃជាមួយមិត្តភក្តិយើងបានទៅលេងច្រើនកន្លែងដូចជា អូផ្លាយ ចំការស្ត្របបឺរី ចំការស្រល់ ទឹកជ្រោះប៊ូស្រា ភ្នំដោះក្រមុំ សមុទ្រឈើ
កម្មវិធីទេសចរណ៍មានប្រយោជន៍របស់ចលនាយុវជនប្រើប្រាស់ Facebook
តោះ! សូមមើលក្រុមតន្ត្រីក្រោមដើមដូងល្បីតែគ្នាឯង (មានវីដេអូ)
ក្រុមភ្លេងខ្ញុំមានធុងបាស់ ៣, ហ្គីតាសាំ ១, ហ្គីតា សូឡូ ១, ហ្គីតាបាស់ ១ និងមានឧបករណ៍ Mix សំលេងសម្រាប់យកមកវាយជាចង្វាក់ស្គរផងដែរ។
ទិដ្ឋភាពទៅលេងនៅអតីតដែលជាកន្លែងរបស់ «ស្ដេចកន»
កាលពីថ្ងៃទី៧ ខែមករា ឆ្នាំ២០១២ ខ្ញុំបានទៅលេងនៅទីនោះដើម្បីមើលទិដ្ឋភាពខ្លះៗ និងស្វែងយល់អំពីប្រវត្តិសាស្ត្រផងដែរ តាមអ្វីដែលខ្ញុំបានដឹងតាមសៀវភៅប្រវត្តិសាស្ត្រ និង សំដីរបស់មគ្គុទេស្ទ ខ្ញុំដឹងខ្លះៗថា ព្រះបាទស្រីសេដ្ឋា ព្រះស្ដេច កន គឺជាស្ដេចខ្មែរមួយអង្គសោយរាជ្យនៅរាជធានីស្រឡប់ពិជ័យព្រៃនគរ ចាប់តាំងពីគ្រឹះសករាជ ១៥១២ រហូតដល់គ្រឹះសករាជ ១៥២៥ បច្ចុប្បន្នរាជធានីនេះមានភូមិសាស្ត្រស្ថិតក្នុងស្រុកត្បូងឃ្មុំ ខេត្តកំពង់ចាម។ ខ្ញុំបានឃើញរូបសំណាកស្តេច កន ដែលគេលើកតម្កល់ដាក់លើកំផែង មានជិះលើខ្នងសេះ ដៃកាន់ធ្នូបាញ់ចេញគ្រាប់ព្រួញ ៧គ្រាប់ មានបណ្ដោយខ្លួនសេះប្រវែង ២,៩ម៉ែត្រ មានកម្ពស់ ៣,៣ម៉ែត្រ។ ស្តេច កន គឺជាអង្គក្សត្រដែលមានបុណ្យបារមី មានទឹកចិត្តក្លាហាន មានថ្វីដៃគ្មានគូប្រៀប និងមានប្រាជ្ញាភ្លឺថ្លាមោះមុត។ ក្នុងព្រះរាជកិច្ចដឹកនាំ ព្រះអង្គបានធ្វើឲ្យវិស័យវប្បធម៌ សេដ្ឋកិច្ច សង្គមកិច្ច មានការអភិវឌ្ឍក្រៃលែង
ដំណើរកម្សាន្តមកកាន់ខេត្តមណ្ឌលគិរីរយៈពេល ២យប់ ៣ថ្ងៃ
នៅដើមឆ្នាំ ២០១២ នេះគឺក្នុងដើមខែមករា ចំថ្ងៃបុណ្យជាតិ ៧មករា ខ្ញុំបានឈប់សម្រាកពីការងាររយៈពេល៣ថ្ងៃ ហើយក៏ទៅលេងនៅឯខេត្តមណ្ឌលគិរីតែម្ដង។ ការធ្វើដំណើរចេញពីភ្នំពេញទៅ នៅព្រឹកម៉ោង ៥កន្លះភ្លឺ ខ្ញុំចាប់ផ្ដើមចេញដំណើរឆ្ពោះទៅកាន់តំបន់ទេសចរណ៍ភូមិភាគឥសាន្តនៅខេត្តមណ្ឌលគិរី ដើម្បីគយគន់ទេសភាពព្រៃព្រឹក្សា ជ្រោះ ជ្រលងដងអូរ នៅតាមផ្លូវសំបូរទៅដោយចម្ការស្លារ ចម្ការកៅស៊ូ និងចម្ការស្វាយចន្ទីដ៏ល្អប្រណិតក្នុងទឹកដីខេត្តកំពង់ចាម។ ហើយក៏ចូលទស្សនារមណីដ្ឋាន ប្រវត្តិសាស្ត្រនគរបាជ័យ ដែលជាកន្លែងកសាងដោយព្រះបាទជ័យវរ្ម័្ទី៧ ក្រោយមកក៏ទៅលេងនៅ អតីតប្រាសាទដែលជាកន្លែងរបស់ ស្ដេច កន ។ លុះមកដល់ថ្ងៃ ត្រង់ម៉ោងប្រហែលជា ១២ ក៏ចូលត្រឹមខេត្តក្រចេះដើម្បីបរិភោគអាហារថ្ងៃត្រង់នៅម្ដុំ ស្រុកស្នួល។
ទិដ្ឋភាពដើរលេង សម្រាប់ចុងឆ្នាំ ២០១១
ជាធម្មតារៀងរាល់ឆ្នាំគ្រប់ជាតិសាសន៍ទាំងអស់ មិនថាខ្មែរ ឬបរទេសនោះទេ តែងមានដំណើរកម្សាន្តរៀងៗខ្លួននៅតាមរមណីយដ្ឋាន ឬតាមកន្លែងផ្សេងៗទៅតាមចំណូលចិត្តរបស់ពួកគេ។ ចំណែកខ្ញុំវិញក៏មានព្រឹត្តិការណ៍មួយចំនួនដែរ សម្រាប់ចែករំលែកអំពីរឿងផ្ទាល់ខ្លួនរបស់ខ្ញុំក្នុងឆ្នាំចាស់ ២០១១ ដែលកន្លងផុតទៅនេះ។ ចាប់ពីថ្ងៃទី ២៦ ដល់ថ្ងៃទី ២៩ ខែធ្នូ ឆ្នាំ២០១១ ខ្ញុំបានទៅលេងនៅឯខេត្តសៀមរាបរយៈពេល ៣យប់បួនថ្ងៃ ដោយបានធ្វើដំណើរទៅលេងដំបន់រមណីយដ្ឋានផ្សេងៗដូចជាប្រាសាទបុរាណជាដើម។ ការធ្វើដំណើរគឺចាប់ផ្ដើមពីថ្ងៃទី ២៦ព្រឹកម៉ោង ៩កន្លះ ទៅដល់ក្រុងសៀមរាបនាម៉ោងប្រហែលជា ៣រសៀល ក៏ចូលសម្រាកនៅសណ្ឋាគារ តាន់កង។ តម្លៃនិងសេវាកម្មគឺរមសមរម្យ មិនថ្លៃហើយក៏មិនថោកពេកដែរ គឺ១បន្ទប់១ ដែលមានគ្រែ២ និងម៉ាស៊ីនត្រជាក់ ១៨ដុល្លារ ហើយមានផ្ដល់ជូននូវ អាហារពេលព្រឹកបែប បូហ្វេ ដោយឥតគិតថ្លៃ។
update: ដំណើរកម្សាន្តទៅកំពង់សោមជាមួយក្រុមយុវជន BCC
កាលពីថ្ងៃសុក្រទី ២៥ ខែវិច្ឆិការ ឆ្នាំ២០១១ កន្លងទៅនេះ។ នៅក្នុងមជ្ឈមណ្ឌល BCC ដែលពាក្យពេញគឺ Breakthrough Center Cambodia បានធ្វើក្រុមយុវជនស្នូលធ្វើដំណើរទៅលេងនៅកំពង់សោមដោយក្នុងនោះខ្ញុំក៏ជាយុវជនម្នាក់ក្នុងចំណោមយុវជននៅ BCC នេះដែរព្រោះខ្ញុំគឺជាក្រុមភ្លេង។ យុវជនដែលបានចេញទៅទាំងអស់មានចំនួន ១២នាក់ និងបានធ្វើដំណើរដោយរថយន្ត Starex ១២កៅអី? ចាប់ផ្ដើមចេញដំណើរនៅវេលាម៉ោង ២រសៀល ប៉ុន្តែខ្ញុំបានទៅមុនគេតែម្នាក់ឯងតាំងពីម៉ោង ៩ព្រឹកមកម្លេះ។ ព្រោះមានធុរៈត្រូវទៅមុន។
ព្រឹត្តិការណ៍បុណ្យអុំទូកឆ្នាំ ២០១១ ដ៏សោះកក្រោះរបស់ខ្ញុំ
ដូចដែលអ្នករាល់គ្នាបានដឹងស្រាប់ហើយថា ពិធីបុណ្យអុំទូកឆ្នាំនេះ (2011) ត្រូវបានលប់ចោលដោយព្រោះហេតុផលតែមួយគត់គឺ កាត់បន្ថយប្រាក់ចំណាយសម្រាប់ពិធីនេះ ហើយត្រូវបង្វែរទៅជួយប្រជាជនខ្មែរនៅតាមខេត្តនានាដែលកំពុងទទួលរងនូវគ្រោះទឹកជំនន់។ ដោយឡែកសម្រាប់ព្រឹត្តិការណ៍ផ្ទាល់ខ្លួនរបស់ខ្ញុំដូចជាសោះកក្រោះណាស់ ព្រោះមិនបានដើរលេងក្នុងពិធីនោះទេតែបានជួបជុំមិត្តភក្តិតិចតួចក្រៅផ្លូវការ។ ថ្ងៃទី១៖ មិនបានទៅណាទាំងអស់គឺសម្ងំនៅផ្ទះ ឬចេញទៅអង្គុយញាំអាហារ ផឹកកាហ្វេ លេងអិនធឺណិតសឹងតែមួយថ្ងៃវាល់ល្ងាចទៅហើយ។ លុះដល់ល្ងាចម៉ោងប្រហែលជា ៤ក៏ជិះម៉ូតូក្រវែលនៅម្ដុំវត្តភ្នំឃើញថា គ្មានអ្វីពិសេសទេ ព្រោះតាមធម្មតាជារៀងរាល់ឆ្នាំនៅវត្តភ្នំគឺមានមនុស្សអូរអរណាស់ ហើយមានកម្មវិធីប្លែកៗ សប្បាយៗជាច្រើន តែឆ្នាំនេះ មិនសូវឃើញមានអ្នកណាដើរលេងនៅម្ដុំនោះឡើយ មានកម្មវិធិប្រគុំតន្ត្រីពីបី កន្លែងដែរនៅជុំវិញវត្តភ្នំ តែមានតែក្រុមតន្រ្តី ប៉ុន្តែគ្មានអ្នកទស្សនា ហាហាហា មានដែរប្រហែលជា ១០-២០នាក់អីហ្នឹង។ ថ្ងៃទី២៖ មិនបានដើរលេងក្នុងពិធីនេះទេ តែបានចុះទៅលេងនៅចំការដូងជាមួយមិត្តភក្តិដែលជាក្រុមភ្លេងជាមួយគ្នា ដោយមានតែហ្គីតាមួយដើមតែប៉ុណ្ណោះ។ ទៅដល់នោះក៏មិនបានធ្វើអ្វីពិសេសដែរ បានត្រឹមនាំគ្នាច្រៀងខារាអូខេ នៅក្នុងផ្ទះរបស់មិត្តភក្តិ និងដើរលេងតាមវាលស្រែ មើលទិដ្ឋភាពស្រុកជនបទអីប៉ុណ្ណឹងឯង។ ថ្ងៃទី៣៖ ជួបជុំជាមួយ អ្នកម្ដាយ
រូបថត៖ ទៅមើលបាល់ទាត់រវាង ខ្មែរ-នេប៉ាល់ នៅស្ដាតអូឡាំពិក
កាលពីលើកមុនខ្ញុំរួមទាំមិត្តភក្តិមួយចំនួនដែលមកពី Google+ និង Facebook តែភាគច្រើនសុទ្ធតែបងប្អូនអ្នកប្រើប្រាស់ប្លក់ Wordpress នេះ ក៏ណាត់គ្នាដើម្បីទៅមើលការប្រកួតបាល់ទាល់រវាងក្រុមជម្រើសជាតិខ្មែរ ជាមួយក្រុមជម្រើសជាតិមកពី នេប៉ាល់។ ហេតុតែចង់ចូលរួមមើល និងគាំទ្រដល់កីឡាករខ្មែរ ខ្ញុំសុខចិត្តគេចសាលាថ្នាក់រៀនភាសាជប៉ុនមួយល្ងាច! ចេញពីធ្វើការភ្លាមប្រញាប់ប្រញាល់ស្ទុះទៅផ្ទះផ្លាស់ខោអាវ និងបន្តដំណើរទៅ ពហុកីឡាដ្ឋានជាតិអូឡាំពិកជួបជុំគ្នាមើលបាល់។
សកម្មភាពរបស់ខ្ញុំក្នុងថ្ងៃភ្ជុំបិណ្ឌឆ្នាំ២០១១
គិតៗទៅ ភ្ជុំបិណ្ឌឆ្នាំនេះក៏ដូចឆ្នាំណាដែរ សឹងតែក្លាយទៅជាទម្លាប់ដ៏សាំញាំរបស់ខ្ញុំទៅហើយព្រោះ ថា លើកនេះដូចជាមិនមានអ្វីប្លែកធំដុំនោះទេ កាលពីឆ្នាំទៅ (២០១០) ខ្ញុំមិនបានទៅលេងស្រុកកំណើត ហើយក៏មិនបានទៅណាឆ្ងាយៗដូចគេឯងឡើយ។ ដោយឡែកឆ្នាំនេះក៏គ្មានអីខុសគ្នាជាមួយឆ្នាំមុនដែរ ព្រោះស្រុកកំណើតក៏មិនបានទៅ ដើរលេងនៅតាមរមណីយដ្ឋាននានា ក៏មិនបាន។ នៅកន្លែងធ្វើការខ្ញុំ គេអនុញ្ញាតិអោយឈប់សម្រាកចាប់ពីថ្ងៃទី ២៣/០៩/២០១១ ដល់ថ្ងៃទី ០៣/០៩/២០១១ ទើបចូលធ្វើការវិញសរុបទៅគឺ១០ថ្ងៃឯណោះ។
ដំណើរកម្សាន្តទៅកំពង់សោម និងពិនិត្យមើលឈ្មោះបោះឆ្នោត
ខ្ញុំទើបតែត្រឡប់មកពីកំពង់សោមដែលជាស្រុកកំណើតរបស់ខ្ញុំកាលពីម្សិលមិញ (ថ្ងៃទី ១៦-០៩២០១១) ។ ខ្ញុំបានទៅដើរលេងសួរសុខទុក្ខបងប្អូន មិត្តភក្តិ ប៉ុន្តែមូលហេតុចម្បងរបស់ខ្ញុំគឺ បំពេញភារកិច្ចជាប្រជាជនដែលទទួលខុសត្រូវចំពោះកាតព្វកិច្ច ដែលអាចមានសិទ្ធក្នុងការជ្រើសរើសថ្នាក់ដឹករបស់ខ្លួន ហេហេហេ។ ដូចនេះខ្ញុំដាច់ខាតត្រូវតែទៅជាកំហិត។
មានគេថតរូបខ្ញុំហើយដាក់តាំងនៅភូមិវប្បធម៌ក្នុងក្រុងសៀមរាប
ខណៈពេលមួយដែលខ្ញុំកំពុងតែដើរចុះឡើងៗរកចូលបន្ទប់ទឹកស្រាប់តែមាន យុវជនម្នាក់មានកាន់ កាមេរ៉ាជាប់នឹងដៃបានស្រែកហៅខ្ញុំ អ្ហេ..បងប្រុស! ពេលនោះខ្ញុំងាកមើលទៅគាត់ស្រាប់គាត់បានចុចថតរូបខ្ញុំក្រឹបៗ ហើយនិយាយថាអគុណបងប្រុស! ខ្ញុំគ្រាន់តែចង់ថតរូបបងតែប៉ុណ្ណោះ ការងារខ្ញុំគឺថតរូបអ្នកទស្សនានៅទីនេះ! ខ្ញុំឆ្ងល់ក៏មិនបាននិយាយអ្វីដែរ ញញឹមហើយក៏ដើរចូលក្នុងបន្ទប់ទឹក ពេលចេញពីបន្ទប់ទឹកវិញ មិនបាន ៥នាទីផង ស្រាប់តែបុគ្គលិកនៅក្នុងភូមវប្បធម៌នោះ បានដើរមកក្បែរខ្ញុំហើយបង្ហាញរូបថតខ្ញុំដែលមានជាប់នៅក្នុង ស៊ុមយ៉ាងស្អាត រួចនិយាយថា៖ បងប្រុសជួយទិញ វត្ថុអនុស្សាវរីយ៍នេះមួយទៅ! រូបនេះស្អាតណាស់! ជួយទិញមួយទៅបង បើបងមិនទិញក៏មិនអីដែរ តែខ្ញុំគ្រាន់តែបង្ហាញបងតែប៉ុណ្ណោះ។
